Пытанні развіцця аховы здароўя рэгіёну Уладзімір Сцяпанавіч абмеркаваў на сустрэчы са старшынёй Гродзенскага аблвыканкама Уладзімірам Краўцовым.

Уладзімір Сцяпанавіч таксама прыняў удзел ва ўрачыстай лінейцы, якая праходзіла ў Дзень ведаў у ГрДМУ. У мерапрыемстве ўзялі ўдзел начальнік галоўнага ўпраўлення аховы здароўя Гродзенскага аблвыканкама Алена Краткова, рэктар ГрДМУ Віктар Сняжыцкі. Ганаровыя госці і адміністрацыя медуніверсітэта звярнуліся да студэнтаў з віншаваннямі. Дарэчы, Уладзімір Каранік - выпускнік установы 1996 года. Старастам 1-га курса факультэтаў уручылі сімвалічны ключ ведаў, а таксама белыя халаты - знак прафесійнай прыналежнасці будучых урачоў.

Пасля лінейкі міністр наведаў інтэрнат медуніверсітэта, які будуецца. Аб'ект на 1 030 месцаў плануецца здаць у гэтым годзе.

Уладзімір Каранік сустрэўся з калектывам універсітэцкай клінікі, абмеркаваў пытанні функцыянавання ўстановы, а таксама аплаты працы. Міністр адзначыў, што клініка павінна стаць вядучай арганізацыяй аховы здароўя вобласці. Уладзімір Сцяпанавіч азнаёміўся з працэсам устаноўкі ангіографа. Цяпер вядуцца мантажныя работы. Клініку, адзначыў міністр, неабходна камплектаваць новым абсталяваннем, правесці рамонт.

Таксама ў рамках візіту ў Гродзенскую вобласць Уладзімір Каранік наведаў Лідскую ЦРБ. Гэта маштабная лячэбная ўстанова са стацыянарам на 1 067 ложкаў і амбулаторнай службай на 1 830 наведванняў у змену. Азнаёміўшыся з працай ЦРБ, міністр даручыў перагледзець і дапрацаваць канцэпцыю развіцця аховы здароўя раёна. Дарэчы, Ліда ўваходзіць у лік 11 рэгіянальных гарадоў, дзе павінна быць забяспечана паскоранае сацыяльна-эканамічнае развіццё.

Анжаліка Саўчанка, «МВ».
Фота Уладзіслава Прыемкі, Гродна.