Міжнародны форум па інфармацыйна-камунікацыйных тэхналогіях "ТІБО" праходзіць у сталіцы. Свае распрацоўкі прапануюць больш за 100 кампаній з 16 краін свету - вядучыя беларускія і замежныя вытворцы тэлекамунікацыйнага абсталявання, праграмнага забеспячэння, сродкаў і сістэм бяспекі.

У рамках насычанай дзелавой праграмы форуму праводзяцца тэматычныя мерапрыемствы, на якіх айчынныя і замежныя эксперты, прадстаўнікі дзяржаўных структур і бізнес-супольнасцяў аналізуюць міжнародны вопыт, абмяркоўваюць актуальныя пытанні лічбавай трансфармацыі асноўных сектараў эканомікі, сацыяльнай сферы і сістэмы дзяржаўнага кіравання.

Стэнд Міністэрства аховы здароўя з'яўляецца часткай цэнтральнай экспазіцыі выставы «IT-краіна Беларусь». Тут прадстаўлены інавацыйныя распрацоўкі ў розных сферах - ахове здароўя, адукацыі, грамадскай бяспекі і сістэме гарадскога транспарту.

Экспазіцыю наведаў намеснік міністра аховы здароўя Вячаслаў Шыла.

Вольга Аліноўская, "МВ"