На базе РУП "Белмедпрэпараты" прайшоў рэспубліканскі семінар па пытаннях прасоўвання айчынных лекавых сродкаў, медыцынскіх паслуг на знешніх рынках з удзелам дыппрадстаўніцтваў Беларусі за мяжой.

 Дыпламатычны корпус не толькі прадстаўляе нашу краіну за мяжой, але і дапамагае нарошчваць гандлёвы абарот.

"Экспарт беларускіх лекаў у Сірыю па выніках года можа перавысіць $ 1,2 млн. Сірыя - перспектыўны экспартны рынак для беларускіх прадпрыемстваў фармгаліны. Сірыйскія партнёры зацікаўлены ў прадукцыі, што вырабляецца ў Беларусі. У прыватнасці, гэта звязана з тым, што сектар фармацэўтычнай прамысловасці ў Сірыі практычна разбураны. Краіна сама толькі на 10% можа задавальняць свае патрэбы ў леках. Таму сірыйскі бок разлічвае на актыўную працу холдынгу "Белфармпрам", а таксама далейшае ўзаемадзеянне з прадпрыемствамі галіны", - паведаміў Надзвычайны і Паўнамоцны Пасол Беларусі ў Сірыі Аляксандр Панамароў.

Адкрываў мерапрыемства міністр аховы здароўя Валерый Малашка. Пра магчымасці фармпрамысловасці ўдзельнікам распавёў генеральны дырэктар кіруючай кампаніі холдынгу «Белфармпрам» Валер Шаўчук. Азнаёмілі дыпламатаў з вырабленай прадукцыяй вядучыя айчынныя фармкампаніі - РУП «Белмедпрэпараты», ААТ «Барысаўскі завод медпрэпаратаў», СТАА «Лекфарм».