by
by ru en
Аа
Aa Aa Aa

Гарачая лінія

Міністэрства аховы здароўя:

(017) 222-70-80
Упраўленнi аховы здароўя

Мінск:

(017) 285-00-10

Мінская вобласць:

(017) 517-20-25

Брэсцкая вобласць:

‎(0162) 58-09-93

Віцебская вобласць:

(0212) 47-40-70

Гомельская вобласць:

(0232) 75-44-87

Гродзенская вобласць

(0152) 72-13-45

Магілёўская вобласць:

(0222) 27-36-42

Наталля Качанава наведала РНПЦ дзіцячай анкалогіі

Савет Рэспублікі выступіў з ініцыятывай аб стварэнні апякунскага савета

Па традыцыі, у святочныя дні Новага года ў дарослых існуе даўняя і добрая традыцыя - наведваць дзяцей, якія апынуліся ў бальнічнай палаце. Дабро і міласэрнасць ў характары нашага народа - дапамагчы, аказаць падтрымку, падарыць падарунак і, вядома ж, свята!

Напярэдадні старога Новага года старшыня Савета Рэспублікі Наталля Качанава наведала РНПЦ дзіцячай анкалогіі, гематалогіі і імуналогіі. Яна азнаёмілася з умовамі працы цэнтра, наведала палаты і навучальны клас анкалагічнага (гематалагічнага) аддзялення №4. Вядома ж, у госці да дзяцей, Наталля Качанава прыйшла не з пустымі рукамі - яна ўручыла дырэктару цэнтра Наталлі Канапле сертыфікат на набыццё камп'ютэрнай тэхнікі, а маленькім пацыентам - салодкія падарункі. Адзначым, што міністр аховы здароўя Уладзімір Каранік уручыў дырэктару неабходнае пры КТ-даследаваннях абсталяванне: каб дыягностыка і лячэнне маленькіх пацыентаў станавіліся толькі лепш.

«Дарагія хлопчыкі і дзяўчынкі, мы вас любім і хочам, каб вы раслі здаровымі, дапамагалі адзін аднаму і словам, і справай - гэта вельмі важна. І вы павінны ведаць, што ў нашай краіне дзеці - гэта самае галоўнае. Гэта тыя, кім мы ганарымся, на каго вельмі спадзяемся, таму што менавіта вам будаваць нашу будучыню. Няхай гэты год і наступныя будуць спрыяльнымі для вас і вашых блізкіх», - пажадала Наталля Качанава.

У гэты ж дзень артысты Беларускага драматычнага моладзевага тэатра падрыхтавалі для дзяцей навагодні паказ «Зімовая казка».
Пакуль малыя адпачывалі ад працэдур і глядзелі прадстаўленне, дарослыя абмеркавалі магчымасці рэалізацыі iнiцыятывы Савета Рэспублікі аб стварэнні пры РНПЦ дзіцячай анкалогіі, гематалогіі і імуналогіі апякунскага савета. Чакаецца, што фарміраванне такога савета будзе садзейнічаць больш эфектыўнаму вырашэнню многіх пытанняў, звязаных з развіццём цэнтра і аказаннем дапамогі яго пацыентам. «Савет Рэспублікі прапануе супрацоўніцтва. Мы выйшлі з такой ініцыятывай, каб аказаць дапамогу, далучыцца да вырашэння пытанняў, якія ўзнікаюць у цэнтра. Важна, каб нашы дзеці здаравелі. Кваліфікаваная дапамога павінна быць даступная кожнаму дзіцяці ў нашай краіне», - патлумачыла Наталля Качанава. Яна адзначыла, што ў цэнтры сфармаваўся цудоўны калектыў аднадумцаў. «Вы робіце ўсё, каб нашы дзеці здаравелі і вярталіся да нармальнага жыцця. Важна, што спецыялiсты разумеюць, што, дзеці павінны атрымліваць не толькі якасную медыцынскую дапамогу, але i навучанне. Бо працягласць лячэння тут сур'ёзная», - адзначыла яна. Сюды прыязджаюць з розных краін свету, бо ў цэнтры добрыя вынікі па лячэнню дзяцей.

Сенатарскі корпус гатовы падставіць плячо і садзейнічаць вырашэнню канкрэтных сітуацый: камусьці трэба даць транспарт і дапамагчы прывезці дзіцяці на лячэнне, каму-то неабходна атрымаць кансультацыю. «Да вырашэння ўсіх гэтых пытанняў мы павінны далучацца ўсе разам. Магчыма, ёсць пытанні, якія неабходна вырашаць на заканадаўчым узроўні», - дадала Наталля Качанава.
Міністр аховы здароўя Уладзімір Каранік падтрымаў агучаную ідэю. На яго думку, апякунскі савет - гэта магчымасць больш эфектыўна выбудаваць дыялог паміж грамадствам і установай аховы здароўя. «Мы разумеем, што задача ўмацавання здароўя насельніцтва - стаіць не толькі перад самай медыцынскай службай. Гэта сапраўды павінна быць каардынаваная праца ўсяго грамадства, бізнесу, сістэмы аховы здароўя, медыцынскіх работнікаў. І стварэнне апякунскіх саветаў - адзін з магчымых элементаў такога ўзаемадзеяння, шырокага дыялогу паміж медыцынай і грамадствам. Мы павінны наўпрост атрымліваць інфармацыю пра тое, што хвалюе наша насельніцтва і што ў нашай медыцыне яшчэ патрабуецца скарэктаваць, што сапраўды выклікае нараканні», - упэўнены ён.

Падчас круглага стала абмяркоўваліся таксама пытанні далейшага развіцця РНПЦ дзіцячай анкалогіі, гематалогіі і імуналогіі, будаўніцтва жылля для медыцынскіх работнікаў, умовы працы маладых спецыялістаў і іншыя.

Даведачна: РНПЦ дзіцячай анкалогіі, гематалогіі і імуналогіі ёсць чым ганарыцца. Гэта вельмі сучасны цэнтр на 198 ложкаў, куды на лячэнне прыязджаюць не толькі дзеці з усёй краіны, але і замежныя пацыенты. Вынікі лячэння можна супаставiць з вядучымі сусветнымі цэнтрамі: па паказчыках лячэння дзяцей ад анказахворванняў Беларусь займае высокія пазіцыі, уваходзячы ў дваццатку лепшых краін. Лічбы кажуць самі за сябе: дзесяцігадовая выжывальнасць дзяцей са злаякаснымі наватворамі дасягае 75 працэнтаў (а па некаторых формах і ўсе 90 працэнтаў).

Прэс-служба Міністэрства аховы здароўя

1084
Вяртанне да спісу

Іншыя навіны

Карысныя рэсурсы

Адміністрацыйныя рэсурсы