У «Мінск-Арэне» адбылася ўрачыстая цырымонія ўзнагароджання лаўрэатаў інтэрнэт-прэміі "ТІБО-2019». Дыпломы пераможцам у намінацыі «Здароўе і медыцына» уручыў намеснік міністра аховы здароўя Рэспублікі Беларусь Вячаслаў Шыла.

Спецыяльны дыплом журы атрымаў афіцыйны сайт РНПЦ «Маці і дзіця».

У намінацыі «Здароўе і медыцына» перамогу атрымаў сайт Гродзенскага РУП «Фармацыя». 

Сайт Гродзенскага абласнога клінічнага цэнтра «Псіхіятрыя-наркалогія» на другім месцы, а стаматалогія «Фабрыка ўсмешкі» - на трэцім.

Конкурс на лепшы беларускі інтэрнэт-рэсурс у гэтым годзе праводзіўся па 12 асноўных намінацыях. Усяго было пададзена 485 заявак. Конкурс праводзіцца ў Беларусі штогод з 2003 года. Ён накіраваны на садзейнічанне развіццю беларускага сегмента інтэрнэта, укараненню новых інфармацыйных тэхналогій, шырокаму асвятленню лепшых дасягненняў байнэту. З пачатку правядзення ў конкурсе прыняло ўдзел больш за 7 тыс. беларускіх інтэрнэт-рэсурсаў.

 Прэс-служба Міністэрства аховы здароўя

Фота: Уладзiмiр Несцяровiч