by
by ru en
Аа
Aa Aa Aa

Гарачая лінія

Міністэрства аховы здароўя:

(017) 222-70-80
Упраўленнi аховы здароўя

Мінск:

(017) 285-00-10

Брэсцкая вобласць:

(0162) 58-09-93

Віцебская вобласць:

(0212) 22-45-38

Гомельская вобласць:

(0232) 50-32-04

Гродзенская вобласць

(0152) 72-13-45

Магілёўская вобласць:

(0222) 32-23-42

Мінская вобласць:

(017) 517-20-25

Тыдзень медыцынскіх работнікаў: Гродзенская вобласць

Медработнікаў вобласці ўшаноўвалі на ўрачыстай цырымоніі ў Гродзенскай абласной філармоніі

Ганаровыя граматы і падзякі сёння былі ўручаны больш чым 120 работнікам медыцынскай сферы. Свята стала знакам глыбокай павагі і ўдзячнасці ўрачам, навукоўцам-медыкам, малодшаму і сярэдняму медперсаналу, правізарам і фармацэўтам.

Словы падзякі ў адрас прадстаўнікоў медыцынскай галіны адрасавалі памочнік Прэзідэнта – інспектар па Гродзенскай вобласці Юрый Караеў, старшыня аблвыканкама Уладзімір Каранік, намеснік міністра аховы здароўя Барыс Андрасюк, начальнік галоўнага ўпраўлення аховы здароўя аблвыканкама Людміла Кеда і іншыя ганаровыя госці.

2021-06-16_21-58-22.jpg

«У нашай краіне медыцыне заўсёды надавалася пільная ўвага, але апошнія паўтара года былі асаблівымі. Пандэмія каронавіруснай інфекцыі стала безпрэцэдэнтным выпрабаваннем. Зараз можна ўпэўнена казаць, што наша сістэма аховы здароўя з годнасцю адказала на выклік, забяспечыла даступнасць меддапамогі. Лекары даказалі, што выраз медыцынскі доўг для іх не проста словы, а лад жыцця. Мы гэта цэнім і дзякуем кожнаму медработніку за тое, што змаглі выстаяць», – сказаў Уладзімір Каранік. Ён распавёў як у мінулым годзе, будучы міністрам аховы здароўя, віншаванне для калегаў ён вымушаны быў запісваць на відэа ў пустой зале. «Бо сустрэч ужывую трэба было пазбягаць з-за эпідсітуацыі. Аднак ужо тады, – падкрэсліў губернатар, – не было сумневаў, што сістэма аховы здароўя вытрымае гэты няпросты перыяд. І тое, што сёння ў зале сабраліся медыцынскія работнікі з розных куткоў вобласці для ўручэння узнагарод яшчэ раз гэта пацвярджае».

2021-06-16_21-58-27.jpg

Шчырыя словы падзякі і віншаванні гучалі ў адрас медыцынскіх работнікаў і ад намесніка міністра аховы здароўя Беларусі Барыса Андрасюка. «За мінулы год, калі ўвесь свет імкліва ахапіла пандэмія каронавіруса, мы ўсё яшчэ раз пераканаліся ў тым, наколькі важная і адказная наша праца. Гэты час стаў сур'ёзным выпрабаваннем не толькі для медыцынскай супольнасці, але і ўсяго грамадства. У адно імгненне руцінны і паўсядзённы клопат пра здароўе насельніцтва – стал найважнейшай задачай для ўсёй краіны. І менавіта гэта разуменне адказнасці, якую нясуць медработнікі, надае цяпер асаблівы статус ўсёй прафесіі. Я шчыра дзякую вам, калегi, за прафесіяналізм, за вашу нялёгкую працу. Моцнага вам усім здароўя і дабрабыту», – сказаў ён.

«Дзякуй вам, дарагія калегі, за выяўлены прафесіяналізм і майстэрства, за працу, якую вы выконваеце кожную гадзіну. Шчыра дзякую вам за лепшыя чалавечыя якасці, цвёрдасць характару і цёплыя сэрцы», – звярнулася да медыкаў Людміла Кеда.

2021-06-16_21-58-38.jpg

Больш чым 120 работнікам медыцынскай сферы, якія ўнеслі значны ўклад у развіццё сістэмы аховы здароўя рэгіёну, уручаны сёння Ганаровыя граматы і падзякі Савета міністраў Рэспублікі Беларусь, абласнога выканаўчага камітэта і абласнога Савета дэпутатаў, Гродзенскага гарвыканкама і Гродзенскага гарадскога Савета дэпутатаў, нагрудныя знакі Міністэрства аховы здароўя «Выдатнік Ахова здароўя Рэспублікі Беларусь», нагрудныя знакі Беларускага прафсаюза работнікаў аховы здароўя «За працу ў імя жыцця» і «За заслугi ў развiццi галiновага прафсаюзу».

Акрамя таго, сёння заслужаныя віншаванні прымалі пераможцы абласнога этапу конкурсу «Урач года Рэспублікі Беларусь – 2020».

А адным з прыемных момантаў стала ўшанаванне маладых спецыялістаў медыцынскай сферы рэгіёну. У 2019 годзе абласная арганізацыя Беларускага прафсаюза работнікаў аховы здароўя і абласная арганізацыя РГА «Белая Русь» заснавалі прэмію «Пакліканне» для маладых лекараў і сярэдніх медыцынскіх работнікаў. Прысуджаюць яе за заслугі ў працоўнай дзейнасці.

Прэс-служба Міністэрства аховы здароўя

16.06.2021
404
Вяртанне да спісу

Іншыя навіны

Карысныя рэсурсы

Адміністрацыйныя рэсурсы