Як у Беларусі збіраюцца змагацца са зніжэннем нараджальнасці, колькі беларусаў прышчапілася ад грыпу і колькі краіна зарабіла на экспарце медыцынскіх паслуг, распавёў у праграме «Галоўны эфір» на тэлеканале «Беларусь-1» міністр аховы здароўя Беларусі Валерый Малашка.

— Нас вельмі трывожыць зніжэнне нараджальнасці. Мы шмат у чым змяняем падыходы да аказання медыцынскай дапамогі маці і дзецям. Сёння мы, вядома ж, сур'ёзна працуем па прадабортнаму кансультаванню. Мы таксама разумеем, што шмат у чым павінны памяняць і сістэму матывацыі, хоць сацыяльных выплат досыць шмат.

Сёння будуць мяняцца падыходы, будзе больш хуткімі тэмпамі будавацца жыллё для шматдзетных. Гэта таксама значна прастымулюе ўзровень нараджальнасці.

Сёння маюць месца праблемы позніх шлюбаў, позняга прыняцця рашэння аб нараджэнні дзіцяці. Нам сёння неабходна сур'ёзна падумаць, як выходзіць з гэтай сітуацыі і якія меры прымаць, - сказаў міністр.

Міністр таксама распавёў пра тое, што ў Беларусі ў гэтым годзе ад грыпу прышчапілася больш за 40% насельніцтва. А на экспарце медыцынскіх паслуг у гэтым годзе Беларусь зарабіла больш як $ 41 млн.

— Грамадзяне 138 краін звярнуліся ў медыцынскія ўстановы нашай краіны. Больш за 41 млн даляраў мы заробім да канца года. Гэта, вядома, не мяжа.

Ён адзначыў, што экспарт адукацыйных паслуг медыцынскіх універсітэтаў таксама досыць высокі.

Больш падрабязна глядзіце ў праграме «Галоўны эфір»