Беларуская дэлегацыя прыняла ўдзел у 42-м пасяджэнні Праграмнага каардынацыйнага савета ЮНЭЙДС у Жэневе (Швейцарская Канфедэрацыя). Адзначым, што падчас цырымоніі адкрыцця выканаўчы дырэктар ЮНЭЙДС Мішэль Сідзібе распавёў пра поспехі ў сферы процідзеяння Сніду і аб тых цяжкасцях і магчымасцях, якія яшчэ наперадзе. Ён адзначыў, што прагрэс, дасягнуты ў галіне процідзеяння Сніду, з'яўляецца нераўнамерным і няўстойлівым, і заклікаў зноў засяродзіць увагу на спыненні эпідэміі Сніду да 2030 годзе.

У рабоце пасяджэння прыняў удзел першы намеснік міністра аховы здароўя Рэспублікі Беларусь Дзмітрый Піневіч. Ён выступіў з дакладам аб развіцці сістэмы аховы здароўя Беларусі. Асноўная частка яго выступу была прысвечана беларускаму вопыту ў галіне прафілактыкі і лячэння ВІЧ/Сніду. Таксама Дзмітрый Піневіч прыняў удзел у абмеркаванні пытанняў парадку дня 42-га пасяджэння Праграмнага каардынацыйнага савета ЮНЭЙДС. У ходзе камандзіроўкі таксама былі абмеркаваны пытанні арганізацыі II-й Рэгіянальнай нарады па пашырэнню доступу да лекавых сродкаў у рэгіёне Усходняй Еўропы і Цэнтральнай Азіі (плануецца правесці ў г. Мінску 21-22 лістапада 2018 года).

Адзначым, што на перыяд 2017-2019 гг. наша краіна ўвайшла ў склад выканаўчага органа Аб'яднанай праграмы ААН па ВІЧ/СНІД (ЮНЭЙДС) - Праграмнага каардынацыйнага савета. У парадак дня пасяджэння былі ўключаны такія пытанні, як - справаздачы Выканаўчага дырэктара ЮНЭЙДС, Старшыні Камітэта арганізацый-спонсараў, прадстаўнікоў няўрадавых арганізацый і справаздачу аб ходзе рэалізацыі Плана дзеянняў ЮНЭЙДС па рэалізацыі прапаноў Міжнароднай інспекцыйнай камісіі аб рэкамендацыях па далейшаму функцыянаванню ЮНЭЙДС.

Прэс-служба Міністэрства аховы здароўя