Аб пытаннях медзабеспячэння палётаў

Рабочая група абмеркавала пытанні медзабеспячэння палётаў.

Пасяджэнне ў фармаце відэаканферэнцыі адбылося ў Выканкаме СНД. Удзельнічалі прадстаўнікі Беларусі, Расіі, Азербайджана, Арменіі, Казахстана, Кіргізіі, Малдовы і Таджыкістана.

На парадку дня два праекты дакументаў – «Патрабаванні да стану здароўя кандыдатаў на атрыманне (падаўжэнне) пасведчання авіяцыйнага персаналу. Раздзел «сардэчна-сасудзістая сістэма» і «Авіяцыйныя правілы: «Медыцынскае забеспячэнне авіякампаніі. Асаблівасці аказання медыцынскай дапамогі пасажырам і членам экіпажа паветранага судна ў перыяд палёту ў грамадзянскай авіяцыі дзяржаў – удзельніц СНД».

– Неабходна зацвердзіць адзіныя падыходы да ацэнкі стану здароўя пілотаў, дыспетчараў па кіраванні паветраным рухам, бортправаднікоў. Трэба распрацаваць адзіныя прынцыпы аказання меддапамогі на борце паветранага судна - як пасажырам, так і членам экіпажа. Таксама важна вызначыць адзіныя падыходы ў правядзенні санітарна-эпідэміялагічных мерапрыемстваў, – паведамляе дырэктар Медыцынскай службы грамадзянскай авіяцыі, галоўны пазаштатны спецыяліст па медзабеспячэнні службы грамадзянскай авіяцыі Міністэрства аховы здароўя Аляксандр Жадан. – Да прыкладу, напаўненне аптэчак і іх колькасць на борце ў большасці выпадкаў аднолькавыя. Але методыкі аказання дапамогі кожная авіякампанія распрацоўвае індывідуальна.

Адным з асноўных напрамкаў медзабеспячэння авіяпалётаў з'яўляецца ўдасканаленне ўрачэбна-лячэбнай экспертызы.

«Медыцынскі веснік».

514