Намеснік прэм'ер-міністра Ігар Петрышэнка і міністр аховы здароўя Дзмітрый Піневіч наведалі Аршанскую гарадскую бальніцу №1 ім.Сямашка. Сёння ў Оршы праходзіць выязное пасяджэнне Прэзідыума Савета Міністраў па рэалізацыі праграмы развіцця Аршанскага раёна да 2023.

Праца ў чырвоных зонах у спякотнае надвор'е, кавiдныя выплаты, наяўнасць СIЗаў і камплектуючых для высокатэхналагічнага абсталявання, праца маладых спецыялістаў – гэтыя і іншыя пытанні віцэ-прэм'ер абмеркаваў сёння ў Оршы.

Цяпер, у пандэмію COVID-19, бальніца працуе ў тым ліку і як кавідны шпіталь. Частка аддзяленняў знаходзіцца ў чырвонай зоне, а ў іншых медработнікі аказваюць дапамогу грамадзянам з хранічнымі захворваннямі, у тым ліку кардыялагічнымі, неўралагічнымі, гінекалагічнымі, уралагічнымі, афтальмалагічнымі. Ігар Петрышэнка азнаёміўся з работай ангіаграфічнага кабінета, наведаў і рэанімацыйнае аддзяленне.

Удзельнікі выязнога пасяджэння Прэзідыума Савета Міністраў абмяркоўваюць праблемныя моманты, магчымую карэкціроўку праграмы. Як адзначыў перад выязным паседжаньнем прэм'ер-міністр Беларусі Раман Галоўчанка, «эфект ад рэалізацыі праграмы развіцця Аршанскага раёна ёсць. 163 мерапрыемствы рэалізаваныя за палову тэрміну. На іх фінансаванне накіравана Br1,4 млрд – 80% ад плана на 2018-2020 гады». Згодна з праектам, Аршанскаму раёну былі прадастаўлены беспрэцэдэнтныя меры падтрымкі, якія закліканы стымуляваць развіццё ва ўсіх сферах дзейнасці.

Прэс-служба Міністэрства аховы здароўя