Дзмiтрый Піневіч прадставіў новага генеральнага дырэктара РУП «Белмедпрэпараты»

Новым дырэктарам стала Вольга Якубіцкая. У час прадстаўлення яе калектыву, міністр аховы здароўя Дзмітрый Піневіч падкрэсліў, што гендырэктара выбіралі з вельмі дастойных кандыдатаў. «Вольга Аляксандраўна вам знаёмая, у яе добры паслужны спіс – яна з'яўляецца спецыялістам, як у галіне фармацэўтыкі, так і фармвытворчасці. У цэлым, дастаткова вялікую колькасць часу прапрацавала на пасадзе намесніка генеральнага дырэктара. Вельмі важна, што прапрацавала і ў кіруючай кампаніі холдынгу «Белфармарам». Яна на практыцы ведае пытанні галіны», – сказа ў ён.

Дзмітрый Піневіч адзначыў, што РУП «Белмедпрэпараты» – гэта важнейшае прадпрыемства, якое вызначае твар фармацэўтыкі краіны, вызначае наш шлях і па валавых паказчыках і, перш за ўсё, па перспектывах.

Таксама міністр абазначыў некаторыя задачы, якія стаяць перад прадпрыемствам. У першую чаргу размова ішла аб аператыўным вырашэнні праблем на прадпрыемстве, актывізацыі работы на, перспектыўным для беларускіх вытворцаў, расійскім рынку, развіцці лінейкі новых прэпаратаў для вырашэння пытанняў імпартазамяшчэння, а таксама аб укараненні новых тэхналогій, якія могуць прывесці да інавацыйнага рыўка на РУП «Белмедпрэпараты».

Прэс-служба Міністэрства аховы здароўя

16.09.2022

1236