Паважаныя работнікі медыцынскай і фармацэўтычнай навукі! 

Ад імя кіраўніцтва Міністэрства аховы здароўя віншую вас з прафесійным святам -  
Днём беларускай навукі!

Навука іграе важную ролю ў жыцці дзяржавы, запатрабаваная эканомікай краіны і служыць прагрэсіўнаму развіццю грамадства, выступае імпульсам руху наперад, адкрывае перспектывы для развіцця навучальных устаноў, навуковых арганізацый, новых праектаў і напрамкаў даследаванняў, прыцягвае ў сваю сферу таленавітую моладзь, напаўняе наша жыццё новымі тэхналогіямі .

Навукоўцы-медыкі нашай рэспублікі заўсёды ішлі ў авангардзе сусветнага навуковага прагрэсу. Вынікам іх дасягненняў стала тое, што сёння медыцынская і фармацэўтычная навука - гэта магутны рэсурс, аснова тэхналагічных прарываў, найважнейшая складаючая нацыянальнага багацця.

Я з гонарам адзначаю, што беларуская ахова здароўя валодае наймацнейшым інтэлектуальным патэнцыялам. Пра гэта сведчыць мноства дзяржаўных узнагарод, якімі былі ўшанаваныя ўрачы і правізары, занятыя ў навуковай сферы, а таксама навуковыя ўстановы сістэмы Міністэрства аховы здароўя, неаднаразова займалі годнае месца на Рэспубліканскай дошцы гонару.

Дзякуючы навуковым распрацоўкам і ўкараненню іх у практычную ахову здароўя беларускія ўрачы выратавалі тысячы жыццяў, змаглі палепшыць здароўе грамадзян, падарыць ім надзею на шчаслівае, паўнавартаснае і, галоўнае, здаровае жыццё, а арыгінальныя лекавыя сродкі і джынэрыкі беларускай вытворчасці вядомыя і запатрабаваныя не толькі ў нашай краіне , але і далёка за яе межамі.

Паважаныя калегі, бясцэнны багаж вашых ведаў - аплот сучаснасці і заклад паспяховай будучыні беларускай медыцыны.

У гэты знамянальны дзень ад усёй душы жадаю вам моцнага здароўя, паспяховага творчага пошуку, новых навуковых адкрыццяў і прафесійных дасягненняў на карысць і ў імя працвітання роднай Беларусі!