Паважаныя калегі, работнікі і ветэраны аховы здароўя Беларусі!

У гэтым годзе сістэма айчыннай аховы здароўя адзначае 100-годдзе. Стагоддзе беларускай медыцыны - гэта гісторыя высокага гуманізму, мужнасці і вернасці справе.

Выбіраючы нашу няпростую прафесію, упершыню апранаючы беласнежны халат, кожны з нас марыў дапамагаць людзям, вяртаць здароўе сваіх пацыентаў. Мы не часта задумваліся пра цяжкасці і расчараванні на гэтым шляху. Чэхаў пісаў: «Ніводная спецыяльнасць не прыносіць парой столькі маральных перажыванняў, як урачэбная». Так, мы перажываем за тых, хто даверыў нам сваё жыццё, перажываем мы і за сваіх блізкіх, якія не бачаць нас суткамі. Прымаючы рашэнне каля ложка хворага, мы разумеем, як шмат залежыць ад нас, ад нашых ведаў, ад таго, наколькі мы валодаем новымі тэхналогіямі і метадамі аказання дапамогі. У момант сумненняў успомніце тое пачуццё, якое вы выпрабавалі, упершыню надзеўшы белы халат, гонар за сваё пакліканне і адказнасць перад людзьмі, якія глядзяць на вас з надзеяй.

Напярэдадні нашага прафесійнага свята - Дня медыцынскіх работнікаў - хачу выказаць словы ўдзячнасці ўсім, хто працуе ў нашай галіне. Здароўя вам, сямейнага дабрабыту і ўпэўненасці ў заўтрашнім дні!