У мінскім Палацы спорту стартаваў Адкрыты чэмпіянат Беларусі па самба на прызы Прэзідэнта. Спаборніцтвы з'яўляюцца адным з тэставых мерапрыемстваў да II Еўрапейскіх гульняў. Меддапамогу спартсменам, работнікам і гледачам аказваюць сталічныя медыкі. Таксама для самбістаў прыбыла брыгада спецыялістаў з Брэсцкага абласнога дыспансера спартыўнай медыцыны.

Працу медслужбы ацаніў міністр аховы здароўя Валерый Малашка. Валерый Анатольевіч праверыў арганізацыю шляхоў эвакуацыі спартсменаў і гледачоў, пунктаў аказання меддапамогі, станцыі допінг-кантролю, расстаноўкі брыгад хуткай меддапамогі і асабіста вывучыў стан медыцынскіх укладак. У выніку міністр аховы здароўя адзначыў высокую гатоўнасць медперсаналу да аказання дапамогі.

Дарэчы, турнір па самба з'яўляецца адным з тэставых мерапрыемстваў да Еўрапейскіх гульняў і для медыкаў. Спецыялісты адпрацавалі сістэму медзабеспячэння па мадэлі, максімальна набліжанай да спаборніцтваў якія яшчэ адбудуцца.

Анжаліка Саўчанка "МВ"