У размеркаванні прынялі ўдзел міністр аховы здароўя Валерый Малашка, начальнік упраўлення кадравай палітыкі, устаноў адукацыі Міністэрства аховы здароўя Вольга Маршалка і рэктар БелМАПА Дзмітрый Ніткін.

—  Размяркоўвалі клінічныя ардынатары, у асноўным, атрымалі новае месца працы. Веды атрыманы. Наперадзе - новая прафесійная дарога. Жадаю спецыялістам быць сумленнымі і далей развіваць атрыманыя навыкі, - пажадаў Валерый Малашка.

Размеркаванне прайшлі 34 клінічных ардынатара. Як адзначыла Вольга Маршалка, падрыхтоўка ў клінічнай ардынатуры з году ў год становіцца ўсё больш запатрабаванай. Цяпер сістэма падрыхтоўкі знаходзіцца на шляху да пераўтварэнняў.

— Клінічная ардынатура зменіць сваю накіраванасць і будзе больш падобная на рэзідэнтуру - аналаг еўрапейскай сістэмы падрыхтоўкі спецыялістаў, - удакладняе Вольга Уладзіміраўна.

Шмат якім клінічным ардынатарам пасля вывучэння іх асабістых спраў былі прапанаваныя кіруючыя пасады, працоўныя месцы ў РНПЦ.

Павел Мушынскі, да прыкладу, працаваў у Светлагорскай ЦРБ. Камісія прапанавала спецыялісту працоўнае месца ў 2-й ГДКБ Мінска. Марына Гулько з Добрушскай ЦРБ цяпер будзе працаваць у РНПЦ псіхічнага здароўя. Вікторыя Губіч з 5-й ГКБ Мінска стане загадчыцы аддзяленнем ў 2-й ГДКБ Мінска.

Анжаліка Саўчанка, «МВ».