Міжнародная навукова-практычная канферэнцыя "Развіццё паліятыўнай дапамогі дзецям як рэалізацыя права цяжкахворага дзіцяці на годнае жыццё» пройдзе ў Мінску.

Правядзенне канферэнцыі арганізавана грамадскай дабрачыннай арганізацыяй "Беларускі дзіцячы хоспіс» у рамках рэалізацыі праекта міжнароднай тэхнічнай дапамогі "Распрацоўка пілотнага праекта для абароны правоў дзяцей з цяжкімі формамі інваліднасці і дзяцей з абмежаванымі магчымасцямі ў Беларусі», што фінансуецца ЕС, сумесна з дабрачыннай арганізацыяй HealthProm (Вялікабрытанія) пры падтрымцы Міністэрства аховы здароўя Рэспублікі Беларусь.

На канферэнцыі будуць узнятыя пытанні забеспячэння правоў дзіцяці на якасную паліятыўную дапамогу, даследаваны асноўныя тэндэнцыі развіцця паліятыўнай дапамогі ў свеце і ў краінах постсавецкай прасторы, вызначаны шляхі ўзаемадзеяння дзяржаўных і грамадскіх структур, а таксама разгледжаны розныя мадэлі аказання паліятыўнай дапамогі дзецям.

У ролі спікераў выступяць вядучыя спецыялісты ў галіне аказання паліятыўнай дапамогі з Вялікабрытаніі, Ізраіля, Расіі, Таджыкістана, Украіны, Беларусі, Арменіі, Бельгіі, Латвіі, Літвы, Арменіі.

Месца правядзення канферэнцыі: атэль DoubleTree by Hilton Minsk, пр. Пераможцаў, 9, г.Мінск

Прэс-служба Міністэрства аховы здароўя