Зараз беларускія лекары Рэспубліканскага апёкавага цэнтру БСМП рыхтуюць яго да чарговай аперацыі. Сёння ў рэжыме відэаканферэнцыі адбыўся кансіліум з удзелам прадстаўнікоў міністэрстваў аховы здароўя Беларусі і Расіі, ФГБУ "НМIЦ хірургіі ім. А.В.Вiшнеўскага", вядучых спецыялістаў - камбустыёлагаў, хірургаў, анестэзіёлагаў I iнш. Спецыялісты абмеркавалі тактыку лячэння падлетка і выбралі найбольш аптымальны варыянт на дадзеным этапе.

Як паведамлялася, Рома на сваіх руках вынес з агню двухгадовага браціка і тут жа страціў прытомнасць. Акрамя апёкаў на яго твары і руках былі парэзы ад разбітага шкла, праз якое яму давялося прайсці. 29 красавіка Рому на верталёце транспартавалі ў Рэспубліканскі апёкавы цэнтр бальніцы хуткай медыцынскай дапамогі Мінска.

Гісторыя з хлопчыкам, які пацярпеў падчас пажару ў вёсцы Сідаравічы Мядзельскага раёна, ускалыхнула інтэрнэт. У Беларусі запушчана акцыя ў падтрымку юнаму герою: людзі запісваюць відэа са словамі падтрымкі Роме і яго бацькам, неабыякавыя людзі дапамагаюць сям'і, якая засталася без прытулку, - #Ромаживи #Ромагерой.

Прэс-служба Міністэрства аховы здароўя