by
by ru en
Аа
Aa Aa Aa

Гарачая лінія

Міністэрства аховы здароўя:

(017) 222-70-80
Упраўленнi аховы здароўя

Мінск:

(017) 285-00-10

Мінская вобласць:

(017) 517-20-25

Брэсцкая вобласць:

‎(0162) 58-09-93

Віцебская вобласць:

(0212) 47-40-70

Гомельская вобласць:

(0232) 75-44-87

Гродзенская вобласць

(0152) 72-13-45

Магілёўская вобласць:

(0222) 27-36-42

Тры крэслы-кенгуру ў медустановы сталіцы

Рэспубліканскае грамадскае аб'яднанне «Рана» перадало крэслы-кенгуру ў медустановы сталіцы.

Тры крэслы-кенгуру, якія выкарыстоўваюцца для выходжвання заўчасна народжаных немаўлят, перадало ў дар медустановам Рэспубліканскае грамадскае аб'яднанне бацькоў неданошаных дзяцей «Рана».

Метад кенгуру шырока ўжываецца ў клініках многіх краін свету. Такая тэхніка выходжвання дазваляе павысіць выжывальнасць нованароджаных з экстрэмальна нізкай масай цела пры нараджэнні (менш за 1 000 г), знізіць захворванне ў першыя месяцы жыцця і скараціць выдаткі на ахову здароўя.

— Кантакт «скура да скуры» заўчасна народжанага дзіцяці і бацькоў дабратворна ўплывае на стан малога. У мамы стымулюецца лактацыя, што дае магчымасць наладзіць натуральнае гадаванне. Для неданошанага дзіцяці гэта асабліва важна, паколькі дапамагае палепшыць страваванне, сфармаваць і ўмацаваць імунітэт, - адзначае загадчыца педыятрычнага аддзялення для неданошаных нованароджаных дзяцей РНПЦ «Маці і дзіця», старшыня экспертнага савета РГА «Рана» Юлія Ражко.

Крэслы-кенгуру з'явіліся ў аддзяленні анестэзіялогіі і рэанімацыі (з палатамі для нованароджаных дзяцей) РНПЦ «Маці і дзіця», аддзяленні анестэзіялогіі і рэанімацыі для нованароджаных і неданошаных дзяцей Гродзенскай АДКБ і педыятрычным аддзяленні для неданошаных дзяцей Гомельскай АКБ.

— Спадзяюся, гэта толькі пачатак і з часам метад кенгуру будуць выкарыстоўваць ва ўсіх рэгіёнах рэспублікі. Гэта вельмі важна для бацькоў неданошаных дзяцей, - кажа старшыня праўлення РГА «Рана» Вольга Скарбенка. — Хачу падзякаваць кіраўнікам устаноў аховы здароўя, загадчыкаў аддзяленняў за супрацоўніцтва і гатоўнасць прымяняць сучасныя методыкі выходжвання неданошаных нованароджаных.

"Медыцынскі веснік"

430
Вяртанне да спісу

Іншыя навіны

Карысныя рэсурсы

Адміністрацыйныя рэсурсы