– Такая форма адукацыйнага працэсу для ваенных урачоў – своеасаблівае ноў-хаў як для нашага факультэта, так і для ваеннай адукацыі цалкам, – адзначыў начальнік ваенна-медыцынскага факультэта БДМУ доктар мед. навук, прафесар, палкоўнік медслужбы Васіль Богдан. – Гэтай падзеі папярэднічала вялікая падрыхтоўка, вынік якой – трохбаковая дамова, заключаная паміж ваенна-медыцынскім факультэтам, БДМУ і 592-м ваенным медыцынскім цэнтрам. Гэты дакумент прадугледжвае аказанне кансультацыйнай дапамогі, ажыццяўленне на базе медцэнтра адукацыйнай дзейнасці.

Першыя выязныя курсы павышэння кваліфікацыі былі з цыкла «Неадкладная хірургія». У якасці настаўнікаў перад супрацоўнікамі хірургічнай службы 592-га ваеннага медыцынскага цэнтра выступілі Васіль Богдан, начальнік кафедры ваенна-палявой хірургіі доктар мед. навук, прафесар, палкоўнік медслужбы Уладзімір Корык, дацэнт кафедры ваенна-палявой хірургіі кандыдат мед. навук, падпалкоўнік медслужбы Дзмітрый Клюйко.

Пяцідзённая вучэбная праграма была насычанай: лекцыі, практычныя заняткі, майстар-класы.

– Гэта знакавая падзея, – падкрэсліў Уладзімір Корык. – Такія курсы будуць праходзіць не адзін раз на год. Павысіць кваліфікацыю змогуць таксама ўрачы тэрапеўтычнага профілю, арганізатары аховы здароўя.