Гэтыя правілы ўстаноўлены з мэтай фарміравання агульнага рынку лекавых сродкаў, а таксама ўмацавання здароўя насельніцтва дзяржаў-членаў шляхам забеспячэння даступнасці да бяспечных, эфектыўных і якасных лекавых прэпаратаў.

Як адзначыў дырэктар РУП «Цэнтр экспертыз і выпрабаванняў у ахове здароўя» Дзмітрый Грынько, у цэнтры сфарміравана новая праграма «ўступных дзеянняў» для зніжэння выдаткаў пры прасоўванні лекавых прэпаратаў на рынак і, адпаведна, кошту для канчатковага спажыўца.

Асноўнымі элементамі гэтай праграмы сталі – прадастаўленне заяўнікам па дагаворах, заключаных з 1 лістапада 2021 года скідак (у памеры 25% ад тарыфаў) на аказанне паслуг, звязаных з правядзеннем работ пры рэгістрацыі лекпрэпаратаў, пацвярджэння рэгістрацыі (перарэгістрацыі), прывядзенні рэгістрацыйнага дасье лекпрэпарата ў адпаведнасць з патрабаваннямі міжнародных дагавораў ЕАЭС.

У цэнтры распрацаваны рэгламент правядзення комплексу папярэдніх тэхнічных работ, якія папярэднічаюць Дзяржаўнай рэгістрацыі стратэгічна важных лекавых прэпаратаў.

Таксама Дзмітрый Грынько расказаў, што ў планах таксама  стварэнне кансультатыўна-навучальнага цэнтра міжнароднага ўзроўню. Плануецца, што тут будуць працаваць эксперты, якія будуць інфармаваць заяўнікаў па пытаннях дзяржрэгістрацыі лекавых сродкаў, медыцынскіх вырабаў і біямедыцынскіх клеткавых прадуктаў.

Прэс-служба Міністэрства аховы здароўя