Міжнародная навукова-практычная канферэнцыя "Сучасныя падыходы да папулярызацыі здароўя" пройдзе 25-26 кастрычніка ў Гомельскім дзяржаўным медыцынскім універсітэце.

Удзельнікамі форуму стануць прадстаўнікі сферы аховы здароўя, спецыялісты розных медыцынскіх профіляў, устаноў медадукацыі з шасці краін - Беларусь, Расія, Польшча, Японія, Італія, Іспанія.

Праграма ўключае пасяджэння, падчас якіх будуць вывучаць вопыт арганізацыі меддапамогі па прынцыпе ўрача агульнай практыкі, барацьбы з неінфекцыйнымі захворваннямі, выкарыстання лічбавых тэхналогій. Таксама запланавана правядзенне круглага стала па тэме "Камплаентнасць: урачы, пацыенты, мас-медыя. Крокі насустрач". А падчас панэльнай дыскусіі спецыялісты звернуцца да тэмы распаўсюджанасці фактараў рызыкі неінфекцыйных захворванняў, разгледзяць сучасныя падыходы да папулярызацыі здароўя.

Па выніках будзе выдадзены электронны зборнік дакладаў і матэрыялаў. Сярод асноўных мэтаў канферэнцыі - абмен вопытам спецыялістаў, якія працуюць над рашэннем стратэгічных задач па ўмацаванні грамадскага здароўя, фарміраванні прынцыпаў здаровага ладу жыцця, павышэнню якасці жыцця, у тым ліку і пацыентаў, якія пакутуюць рознымі захворваннямі.

Арганізатарамі мерапрыемства выступаюць Міністэрства аховы здароўя Беларусі, Гомельскі дзяржаўны медыцынскі універсітэт.

БЕЛТА