Сёння на базе Беларускай медыцынскай акадэміі паслядыпломнай адукацыі праходзіць пасяджэнне Рабочай групы па пытаннях інтэграцыі нацыянальных сістэм электроннай аховы здароўя дзяржаў – удзельніц СНД.

Вітаючы ўдзельнікаў мерапрыемства, намеснік міністра аховы здароўя Рэспублікі Беларусь Дзмітрый Чараднiчэнка адзначыў, што «свет мяняецца кожны дзень: калі мінулыя два стагоддзі сталі этапам імклівага развіцця прамысловасці, то XXI стагоддзе – час росквіту інфармацыйных тэхналогій. Арыентацыя на стварэнне і развіццё лічбавай аховы здароўя – неад'емны складнік лічбавай трансфармацыі эканомікі ўсіх без выключэння дзяржаў Садружнасці».

На нарадзе было адзначана, што сёння ўсе дзяржавы – удзельніцы СНД актыўна ўкараняюць ІКТ ў ахове здароўя. Гэта, у сваю чаргу, спрыяе павышэнню якасці і даступнасці медыцынскай дапамогі.

Сёння ўдзельнікі пасяджэння абмяркоўваюць Дарожную карту па развіцці тэлемедыцынскага трансгранічнага ўзаемадзеяння дзяржаў – удзельніц СНД. Дакумент падрыхтаваны спецыялістамі Рэспублікі Беларусь. Эксперты мяркуюць, што аўтаматызаваную трансмежную сістэму тэлемедыцынскіх кансультацый ўвесці ў пастаянную эксплуатацыю можна ў 2023 годзе. А да гэтага трэба будзе распрацаваць бізнэс-працэс трансгранічнага ТМК ў адпаведнасці з нацыянальным заканадаўствам, узгадніць патрабаванні да абароны дадзеных, вызначыць пералік захворванняў, медыцынскіх дакументаў і іх змест для правядзення трансгранічных ТМК, правесці навучанне медыцынскага і тэхнічнага персаналу для забеспячэння трансгранічнага ТМК.

Прэс-служба Міністэрства аховы здароўя