У мерапрыемстве ўзялі ўдзел прадстаўніцы ГА «Беларускі саюз жанчын» - першы намеснік старшыні арганізацыі, рэктар Мінскага абласнога інстытута развіцця адукацыі, кандыдат педнаук Святлана Сітнікава, начальнік галоўнага ўпраўлення арганізацыі медыцынскай дапамогі і экспертызы Міністэрства аховы здароўя Алена Богдан, начальнік сакратарыята старшыні праўлення ААТ «АСБ Беларусбанк» Марына Ленчевская і намеснік начальніка аддзела народанасельніцтва, гендэрнай і сямейнай палітыкі Міністэрства працы і сацыяльнай абароны Марына Арцёменка.

Як адзначыла ў сваім выступе Алена Богдан, Міністэрствам аховы здароўя ў гэтым годзе прыняты новы клінічны пратакол па ахове здароўя маці, у якім з улікам айчыннага і міжнароднага вопыту зменены падыходы да вядзення фізіялагічнай цяжарнасці.

"Мы значна скарацілі (пры звычайнай цяжарнасці) тэрмiны наведвання акушэра-гінеколага. Практычна ў два разы - з 16 да 9. Адпаведна аптымізавалі колькасць даследаванняў. Нашы клінічныя пратаколы прааналізаваныя і адобраны экспертамі СААЗ з пазіцыі доказнай медыцыны і мінімальнага ўмяшальніцтва на працягу фізіялагічнага працэсу ", - распавяла Алена Богдан.

Яна звярнула ўвагу, што з мая 2017 года пачаў функцыянаваць партал "Здаровыя людзі" і сайт для падлеткаў teenage.by, дзе ёсць шмат падзелаў, якія дапамогуць як дарослым, так і юным жанчынам правесці саматэставанне і знайсці адказы на многія пытанні ўласнага здароўя, палавога выхавання сваіх дзяцей і іншыя.

Працяг чытайце ў святочным нумары газеты «Медыцынскі веснік»

Прэс-служба Міністэрства аховы здароўя