Даведачна: цэнтр прайшоў шлях ад даследчай лабараторыі да высокаспецыялізаванай навукова-практычнай установы, аснашчанай сучасным абсталяваннем і медтэхнікай, якая аказвае высокатэхналагічную кардыялагічную і кардыяхірургічную дапамогу беларусам і пацыентам з блізкага і далёкага замежжа. Тут працуюць высокакваліфікаваныя ўрачэбныя кадры, якія прайшлі падрыхтоўку ў лепшых клініках свету, актыўна займаюцца навукова-даследчай работай, укараняюць інавацыйныя тэхналогіі дыягностыкі, лячэння і прафілактыкі сардэчна-сасудзістых захворванняў.

Штогод у цэнтры атрымліваюць кансультатыўную дапамогу тысячы беларускіх пацыентаў з усіх рэгіёнаў і каля 500 замежных грамадзян. Колькасць высокатэхналагічных аператыўных умяшанняў дасягнула 3,5 тысяч, выконваецца ўвесь комплекс кардыяхірургічных аперацый у пацыентаў высокай рызыкі, уключаючы аперацыі па трансплантацыі сэрца, комплексу «сэрца-лёгкія», «сэрца-нырка». З 2009 да 2022 гг. у РНПЦ «Кардыялогія» праведзена 500 аперацый па трансплантацыі сэрца, у тым ліку 17 – дзецям, 110 – замежным грамадзянам.

У цэнтры штогод выконваецца больш за 30 навукова-даследчых работ у галіне фундаментальных, прыкладных, інавацыйных навуковых распрацовак, рэгіструецца да 10 патэнтаў, звыш 20 інструкцый па прымяненні новых метадаў прафілактыкі, дыягностыкі і лячэння сардэчна-сасудзістых захворванняў.

За гады дзейнасці цэнтра створаны беларуская Школа кардыёлагаў, заснавальнікам якой з'яўляецца акадэмік Георгія Сідарэнка, беларуская Школа кардыяхірургаў пад кіраўніцтвам акадэміка Юрыя Астроўскага, навукова-педагагічная школа «Неадкладная кардыялогія і прафілактычная медыцына ў клініцы ўнутраных хвароб» пад кіраўніцтвам прафесара Наталлі хірургаў і арытмолагаў. Ва ўсіх абласцях і Мінску арганізаваны клінічныя кардыялагічныя цэнтры, актыўна адкрываюцца міжраённыя цэнтры рэнтгенэндаваскулярнай хірургіі.

Прэс-служба Міністэрства аховы здароўя