Міністр аховы здароўя Валерый Малашка сустрэўся з беларускімі навукоўцамі, якія у 2018 годзе паспяхова абаранілі дысертацыі атрымаўшы навуковую ступень.

Мерапрыемства прайшло ў РНПЦ анкалогіі і медыцынскай радыялогіі імя М.М. Аляксандрава.

У фармаце круглага стала абмяркоўваліся актуальныя пытанні падрыхтоўкі навуковых кадраў.

Медыцынская галіна па колькасці абароненых дысертацый лідзіруе сярод усіх галін. Больш за 100 суіскальнікаў, якія працуюць у дзяржаўных навуковых, медыцынскіх і фармацэўтычных арганізацыях сістэмы аховы здароўя у 2018 годзе прысвоены вучоныя ступені кандыдатаў і дактароў навук.

Вучоныя званні прысуджаны 79 суіскальнікам, у тым ліку 14 - вучоныя званні прафесара.

Людміла Захарава "Медыцынскі веснік"