Візіт дэлегацыі Міністэрства аховы здароўя Узбекістана ў Мінск 25-28 сакавіка праходзіць у працяг пагаднення паміж профільнымі ведамствамі дзвюх краін.

Нагадаем, Пагадненне аб супрацоўніцтве ў галіне аховы здароўя і медыцынскай навукі было падпісана ў Ташкенце ў верасні 2018 года. Подпісы пад дакументам паставілі міністры Валерый Малашка і Алішэр Шадманаў па выніках перагавораў Прэзідэнта Беларусі Аляксандра Лукашэнкі і Прэзідэнта Узбекістана Шаўката Мірзіеева.

Рабочая сустрэча двух кіраўнікоў ведамстваў адбылася сёння ў міністэрстве аховы здароўя Рэспублікі Беларусь. Бакі абмеркавалі пытанні супрацоўніцтва ў сферах развіцця медыцыны і адукацыі, распрацоўкі і ўкараненнi ў практыку новых праектаў у сферы аховы здароўя. Таксама былі вызначаны задачы па арганізацыі сумесных адукацыйных праграм.

Як адзначыў Валерый Малашка, Беларусь плануе сур'ёзна нарасціць экспарт фармацэўтычнай прадукцыі на рынак Узбекістана. «Калі ў мінулым годзе мы паставілі фармацэўтычных прадуктаў на $ 2,6 млн, то па выніках гэтага візіту, я думаю, каля $ 4,7 млн. мы атрымаем у 2019 годзе. Вельмі важна, што мы выйшлі на практыку стварэння сумесных прадпрыемстваў - гэта дае магчымасць пастаўляць паўпрадукты не толькі ва ў Узбекістан, але і ў трэція краіны, а гэта пашырэнне рынку збыту для нашых прадпрыемстваў», - сказаў міністр.

Міністр аховы здароўя Узбекістана Алішэр Шадманаў распавёў, «беларуская фармпрадукцыя мае вялікую ўдзельную вагу на ўзбекскім рынку». Таксама на сустрэчы абмяркоўваліся шляхі сумеснага партнёрства ў галіне фармацэўтычнай прамысловасці.

Мэтай свайго візіту ўзбекская дэлегацыя ставіла вывучыць вопыт працы беларускай сiстэмы аховы здароўя. У прыватнасці цікавасць уяўляе, як ўдасканальваецца працэс кіравання аховай здароўя, аказанне першаснай і спецыялізаванай высокатэхналагічнай меддапамогі, як вядзецца работа па падрыхтоўцы, перападрыхтоўцы і павышэнню кваліфікацыі кадраў. "Беларусь сапраўды з'яўляецца лідэрам у рэгіёне па ахове мацярынства і дзяцінства. Такія паказчыкі назіраюцца на працягу многіх гадоў", - дадаў Алішэр Шадманаў.

Адзначым, што сёння міністры наведалі Рэспубліканскі навукова-практычны цэнтр анкалогіі і медыцынскай радыялогіі ім. М.М. Аляксандрава. Таксама

запланавана наведванне яшчэ некалькіх вядучых РНПЦ, фармпрадпрыемстваў, а таксама БДМУ.

Прэс-служба Міністэрства аховы здароўя