Прэзідэнт Міжнароднай федэрацыі дыябету прафесар Нам Хан Чо ўпершыню наведае Беларусь.

Нам Хан Чо прыме ўдзел у рэспубліканскай навукова-практычнай канферэнцыі "Дыябеталогiя ў клініцы ўнутраных хвароб". Мерапрыемства пройдзе 27 лютага ў Беларускай медыцынскай акадэміі паслядыпломнай адукацыі (БелМАПА).

Гуманітарная адукацыйная дзейнасць БелМАПА ў галіне дыябеталогіі атрымала прызнанне міжнароднай эндакрыналагічнай супольнасці. Акадэмія ўвайшла ў сістэму адукацыйных цэнтраў IDF ў якасці сертыфікаванага цэнтра. У рамках мерапрыемства адбудзецца ўрачыстае адкрыццё адукацыйнага цэнтра IDF ў Мінску.

Міжнародная федэрацыя дыябету (International Diabetes Federation) - сусветны лідэр у вырашэнні праблем дыябету і кантролі за яго пандэміяй. IDF аб'ядноўвае намаганні ўсіх развітых краін, актыўна падтрымлівае адукацыю спецыялістаў і пацыентаў у галіне дыябеталогіі.

Прэс-служба Міністэрства аховы здароўя