Ветэранаў Вялікай Айчыннай вайны з ліку былых супрацоўнікаў сістэмы аховы здароўя адведалі напярэдадні 9 мая міністр аховы здароўя Валерый Малашка і старшыня Рэспубліканскага камітэта Беларускага прафсаюза работнікаў аховы здароўя Роберт Часнойць.

Прадстаўнікі Міністэрства аховы здароўя і прафсаюзаў пабывалі ў гасцях у доктара медыцынскай службы грамадзянскай авіяцыі Рыгора Чайко і ў урача-тэрапеўта Рэспубліканскага клінічнага медыцынскага цэнтра Упраўлення справамі Прэзідэнта Рэспублікі Беларусь Анастасіі Івашынай.

Ветэраны падзяліліся сваімі ўспамінамі аб аднапалчанах, расказвалі пра сваю ўрачэбную працу і прафсаюзную дзейнасці. Госці выказалі падзяку ветэранам за непамерны ўклад у справу Перамогі і росквіту нашай краіны, пажадалі ім здароўя, даўгалецця, бадзёрасці духу, уручылі кветкі і падарункі.

Міністр аховы здароўя падкрэсліў, што клапаціцца пра здароўе ветэранаў - доўг не толькі ўнукаў і праўнукаў, але і прадстаўнікоў сучаснай медыцыны.

Перамога ў Вялікай Айчыннай вайне запатрабавала велізарнага напружання ўсіх духоўных і фізічных сіл нашага народа, бяспрыкладнага гераізму франтавікоў, партызан і падпольшчыкаў, самаахвярнасці працаўнікоў тылу. Дзень Перамогі - гэта боль і слёзы радасці, памяць сэрца, гэта тое, што аб'ядноўвае нас і робіць непераможнымі перад тварам любых выпрабаванняў.

Прэс-служба Міністэрства аховы здароўя