by
by ru en
Аа
Aa Aa Aa

Гарачая лінія

Міністэрства аховы здароўя:

(017) 222-70-80
Упраўленнi аховы здароўя

Мінск:

(017) 285-00-10

Брэсцкая вобласць:

(0162) 58-09-93

Віцебская вобласць:

(0212) 22-45-38

Гомельская вобласць:

(0232) 50-32-04

Гродзенская вобласць

(0152) 72-13-45

Магілёўская вобласць:

(0222) 32-23-42

Мінская вобласць:

(017) 517-20-25

Пасяджэнне Савета па супрацоўніцтве ў галіне аховы здароўя СНД пройдзе 22-23 верасня ў Казахстане

Чарговае пасяджэнне Савета па супрацоўніцтве ў галіне аховы здароўя Садружнасці Незалежных Дзяржаў пройдзе 22-23 верасня ў Туркестане (Рэспубліка Казахстан). У праекце парадку дня пасяджэння - больш як 20 пытанняў.

Мерапрыемства пройдзе пад знакам 30-годдзя ўзаемадзеяння дзяржаў - удзельніц СНД у рамках Савета. Мэта Савета – садзейнічанне ўсебаковаму супрацоўніцтву ў галіне захавання, аднаўлення і паляпшэння здароўя насельніцтва, аховы здароўя і забеспячэння санітарна-эпідэміялагічнага дабрабыту насельніцтва, развіцця і ўмацавання міждзяржаўных адносін у галіне фармацыі, медыцынскай навукі і тэхнікі.

Традыцыйна на пасяджэнні члены Савета падводзяць вынікі сумеснай работы за бягучы год, аналізуюць вынікі, абмяркоўваюць праблемныя пытанні і прапановы па іх вырашэнню. Удзельнікі пасяджэння абмяркуюць пытанні, якія датычацца супрацоўніцтва ў прафілактыцы і лячэнні цукровага дыябету, анкалагічных захворванняў, папярэджанні распаўсюджвання туберкулёзу.

Цэлы блок пытанняў будзе прысвечаны тэмам, звязаным з COVID-19: псіхічнае здароўе і псіхасацыяльная падтрымка ва ўмовах ўспышкі каранавіруса, эмацыйнае выгаранне медыцынскага персаналу пры аказанні меддапамогі пацыентам у перыяд пандэміі, а таксама прафілактыка, дыягностыка, лячэнне і рэабілітацыя псіхічных расстройстваў COVID-19. Члены Савета падвядуць вынікі выканання Сярэднетэрміновага плана сумесных дзеянняў дзяржаў – удзельніц СНД па процідзеянні распаўсюджвання інфекцыйных хвароб. Мерапрыемствы Плана, разлічанага на 2021-2022 гады, выкананы ў поўным аб'ёме.

На пасяджэнні таксама плануецца абмеркаваць пытанні арганізацыі і функцыянавання нацыянальных службаў крыві, выканання Мэт устойлівага развіцця ў рэгіёне СНД, прафілактыкі і лячэння неінфекцыйных захворванняў, развіцця лічбавай аховы здароўя і тэлемедыцыны, а таксама шэраг арганізацыйных пытанняў.

Прэс-служба Міністэрства аховы здароўя

20.09.2022
447
Вяртанне да спісу

Іншыя навіны

Карысныя рэсурсы

Адміністрацыйныя рэсурсы