Гарачая лінія
Міністэрства аховы здароўя:
(17) 373-70-80Мінск:
(17) 285-00-10Брэсцкая вобласць:
(162) 58-09-93Віцебская вобласць:
(212) 22-45-38Гомельская вобласць:
(232) 50-32-04Гродзенская вобласць
(152) 72-13-45Магілёўская вобласць:
(222) 32-23-42Мінская вобласць:
(17) 517-20-25Эфектыўнасць вакцынапрафілактыкі
Зараз няма сумненняў, што імунізацыя з'яўляецца правераным інструментам у прафілактыцы інфекцыйных захворванняў.
Па даных Сусветнай арганізацыі аховы здароўя штогод у свеце вакцынацыя ратуе каля 2,5 мільёнаў чалавечых жыццяў, а колькасць смерцяў ад самых распаўсюджаных інфекцый, што папярэджваюць з дапамогай вакцынацыі (дыфтэрыя, адзёр, слупняк, коклюш, поліяміэліт), знізілася з 900 тысяч ў 2000 годзе да 400 тысяч ў 2014 годзе (СААЗ, Глабальны план дзеянняў у дачыненні да вакцын на 2011-2020).
За дзесяцігоддзі мінулага і цяперашняга веку правядзенне прафілактычных прышчэпак дазволіла дасягнуць значных поспехаў у прафілактыцы шэрагу інфекцыйных захворванняў ва ўсім свеце: ліквідавана натуральная воспа, толькі ў трох краінах свету рэгіструюцца выпадкі паралітычнага поліяміэліту, значна знізілася колькасць выпадкаў адру, краснухі, туберкулёзу, дыфтэрыі, слупняка і іншых інфекцый, якія папярэджваюць з дапамогай імунізацыі.
Значныя поспехі ў справе вакцынапрафілактыкі адзначаны і ў Рэспубліцы Беларусь. Дзякуючы паспяхова арганізаваным праграмам імунізацыі, у нашай краіне захоўваецца стабільная сітуацыя па шэрагу інфекцый, якімі ўпраўляюць сродкамі вакцынапрафілактыкі:
Назалагічная форма | Захворванне на 100 000 насельніцтва | Кратнасць зніжэння | |
---|---|---|---|
дапрышчэпачны перыяд | 2014 год | ||
Туберкулёз | 120-150 | 33,8 | 4,0 |
Вірусны гепатыт В | 21,4 | 0,98 | 21,8 |
Краснуха | 606,9 | 0,01 | 60690 |
Слупняк | 0,5 | 0 | няма выпадкаў з 2011 г. |
Эпідэмічны паратыт | 500,1 | 0,04 | 12502,5 |
Коклюш | 340,0 | 4,0 | 85,0 |
Дыфтэрыя | 144,0 | 0 | няма выпадкаў з 2011 г. |
Адзёр | 856,0 | 0,68 | 1258,8 |
Поліяміэліт | 12,5 | 0 (с 1968 г.) | ліквідаваны |
Вакцыны з'яўляюцца найбольш эфектыўным сродкам у прадухіленні інфекцыйных захворванняў, аднак варта памятаць, што, як і любы лекавы сродак, вакцынацыя не забяспечвае 100% абарону. Большасць здаровых асоб, якія атрымалі прафілактычныя прышчэпкі своечасова, надзейна абаронены ад узнікнення інфекцыі і яе грозных ускладненняў.
Аднак існуюць асобы, якія з-за індывідуальных асаблівасцей арганізма, не здольныя да выпрацоўкі паўнавартаснага імуннага адказу на якасна праведзеную вакцынацыю, іх удзельная вага сярод насельніцтва можа дасягаць 5-15% (М.І. Брыко, 2012 г.).
Кожны з нас можа зрабіць тое, што залежыць ад яго, каб абмежаваць уздзеянне інфекцыі як на сябе, так і на астатніх людзей, а гэта значыць, што неабходна правяраць прышчэпачны статус кожнага члена сваёй сям'і і рабіць прышчэпкі паводле прызначэння ўрача.