Субардынатура як форма індывідуальнай прафілізацыі вышэйшай медыцынскай адукацыі ўводзіцца ў адпаведнасці з адукацыйнымі стандартамі вышэйшай адукацыі і тыпавымі навучальнымі планамі на 6 курсе па спецыяльнасцях 1-79 01 01 «Лячэбная справа», 1-79 01 02 «Педыятрыя», 1-79 01 0 «Медыка-прафілактычная справа» і на 5 курсе па спецыяльнасці 1-79 01 04 «Медыка-дыягнастычная справа».

Пералік профіляў субардынатуры

Фарміраванне вучэбных груп па профілях субардынатуры праводзіцца ў адпаведнасці з загадам Міністэрства аховы здароўя Рэспублікі Беларусь ад от 12.06.2023 г. № 879 на падставе патрэбнасці арганізацый аховы здароўя Рэспублікі Беларусь у кадрах адпаведных спецыяльнасцей і кваліфікацый.

Колькасць месцаў па профілях субардынатуры вызначаецца Міністэрствам аховы здароўя Рэспублікі Беларусь і штогод да 20 чэрвеня даводзіцца да ведама медыцынскіх універсітэтаў.

Размеркаванне студэнтаў у навучальныя групы па профілях субардынатуры ажыццяўляецца камісіямі медыцынскіх універсітэтаў штогод да 1 ліпеня на падставе заявы на імя рэктара з указаннем выбранага профілю субардынатуры, формы навучання, месца рэгістрацыі, а таксама копій дакументаў, якія пацвярджаюць удзел у навукова-даследчай працы, працу па аказанні медыцынскай дапамогі пацыентам, удзел у грамадскім жыцці ўніверсітэта, актыўную жыццёвую пазіцыю і інш.

Профіль субардынатуры ўлічваецца пры размеркаванні выпускніка і накіраванні ў інтэрнатуру па адпаведнай спецыяльнасці.