Пастанова Міністэрства аховы здароўя Рэспублікі Беларусь «Аб устанаўленні Рэспубліканскага фармуляра лекавых сродкаў на 2022 год» ад 19 жніўня 2021 года № 97 накіравана на павышэнне якасці аказання медыцынскай дапамогі, удасканаленне лекавага забеспячэння арганізацый аховы здароўя, забеспячэнне даступнасці лекавых сродкаў і аптымізацыю выдаткаў на лячэнне пацыентаў.

Рэспубліканскі фармуляр лекавых сродкаў штогод устанаўлiваецца Мiнiстэрствам аховы здароўя Рэспублiкi Беларусь. У фармуляры на 2022 год пашыраны пазіцыі лекавых сродкаў, у тым ліку айчыннай вытворчасці. У дакумент 2022 года дададзены новыя лекавыя сродкі, якія вырабляюцца і (або) фасуюцца ў Рэспубліцы Беларусь, а таксама дадатковыя лекавыя формы, дазоўкі лекавых сродкаў.

На падставе Дзяржаўнага рэестра лекавых сродкаў Рэспублікі Беларусь унесены змяненні ў слупкі 4, 6 фармуляр «Лекавыя формы, дазоўкі» і «Лекавыя формы, дазоўкі, што вырабляюцца і (або) фасуюцца ў Рэспубліцы Беларусь». Спецыялістамі таксама ўнесены ўдакладненні ў коды анатама-тэрапеўтычна-хімічнай класіфікацыйнай сістэмы лекавых сродкаў. Таксама ўдакладнены некаторыя міжнародныя непатэнтаваныя назвы, лекавыя формы, дазоўкі, фасоўкі. Абноўлена даведачная інфармацыя аб цэнах на лекавыя сродкі.

 Прэс-служба Міністэрства аховы здароўя