Па прагнозах спецыялістаў у бягучым сезоне 2026–2027 гг. чакаецца адначасовая цыркуляцыя негрыпозных рэспіраторных вірусаў, вірусаў грыпу і SARS-CoV-2.

У арганізацыях аховы здароўя завяршаецца падрыхтоўка да правядзення штогадовай вакцынацыі супраць грыпу і інфекцыі COVID-19.

Пацыентам з груп высокай рызыкі захворвання, цяжкага цячэння і неспрыяльных наступстваў грыпу будзе прапанавана вакцынацыя прэпаратам з цэнтралізаванай рэспубліканскай закупкі («Грыпол Плюс», вытворчасці Расійскай Федэрацыі), першая партыя якога будзе даступная насельніцтву ў пачатку кастрычніка.

Асобы, якім асабліва важна зрабіць прышчэпку супраць грыпу ў бягучым сезоне:

• дзеці ва ўзросце ад 6 месяцаў да 3 гадоў,

• дзеці ад 3 гадоў і дарослыя з хранічнымі захворваннямі і імунадэфіцытнымі станамі,

• асобы ва ўзросце старэй за 65 гадоў,

• цяжарныя жанчыны,

• медыцынскія і фармацэўтычныя работнікі,

• дзеці і дарослыя, якія знаходзяцца ва ўстановах з кругласутачным рэжымам знаходжання,

• работнікі дзяржаўных органаў, якія забяспечваюць бяспеку дзяржавы і жыццядзейнасць насельніцтва.

Пацвердзіце загадзя ваша жаданне вакцынавацца, праінфармаваўшы пра гэта спецыялістаў паліклінікі па месцы вашага жыхарства.

Традыцыйна ў насельніцтва будзе магчымасць абараніць ад грыпу сябе і блізкіх, зрабіўшы прышчэпку за ўласныя сродкі.

У сезоне 2026–2027 гг. штамавы склад вакцын супраць грыпу абноўлены цалкам па ўсіх трох кампанентах у адпаведнасці з рэкамендацыямі СААЗ.

Актуальныя штамы для вакцын на аснове курыных эмбрыёнаў:

вірус, падобны да A/Missouri/11/2025 (H1N1)pdm09;

вірус, падобны да A/Darwin/1454/2025 (H3N2);

вірус, падобны да B/Tokyo/EIS13-175/2025 (лінія B/Victoria).

Для вакцынацыі супраць інфекцыі COVID-19 будзе даступная вакцына «Конвасэл» (вытворчасці Расійскай Федэрацыі).

Асобы, якім мэтазгодна зрабіць прышчэпку супраць інфекцыі COVID-19:

• дарослыя з імунасупрэсіяй (імунадэфіцытамі, уключаючы ВІЧ-інфекцыю, аўтаімуннымі захворваннямі, анкалагічнымі і анкагематалагічнымі захворваннямі);

• асобы ва ўзросце 60 гадоў і старэйшыя;

• дарослыя асобы, якія знаходзяцца і працуюць ва ўстановах з кругласутачным рэжымам знаходжання.

 Самая важная мэта вакцынацыі супраць грыпу і інфекцыі COVID-19 – прадухіліць развіццё цяжкага цячэння гэтых захворванняў і неспрыяльнага зыходу. Для фарміравання паўнацэннай імуннай абароны найбольш мэтазгодна зрабіць прышчэпкі да пачатку актыўнай цыркуляцыі вірусаў і ўздыму захворвальнасці на грып і інфекцыю COVID-19.

Прапануем не адкладваць вакцынацыю на лістапад–снежань і зрабіць прышчэпкі, як толькі прэпараты паступяць у арганізацыі аховы здароўя.

Спецыяльная падрыхтоўка да прышчэпкі не патрабуецца. Важна, каб у дзень вакцынацыі не было вострага захворвання або абвастрэння хранічнай хваробы. Перад працэдурай пацыента абавязкова аглядае ўрач.

Нагадваем пра важнасць наступных мер прафілактыкі ВРІ:

• выконваць правілы асабістай гігіены і «рэспіраторнага этыкету» (кашляць і чхаць у сурвэтку або, калі сурвэткі няма, – у выгін локця);

• часцей праветрываць памяшканні і праводзіць вільготную ўборку;

• прытрымлівацца здаровага ладу жыцця: паўнацэнны сон, рацыянальнае харчаванне, фізічная актыўнасць;

• пазбягаць кантакту з хворымі асобамі.