Часцей за ўсё (больш за 70%) "напад" кляшчоў адбываўся ў лясной зоне. Радзей, але таксама сустракаюцца - на прысядзібных участках і ў населеных пунктах.

Што да заражэння Лайм-барэліёзам і клешчавым вірусным энцэфалітам, то медыцынскія работнікі рэгіструюць зніжэнне - у 1,2 раза.

Нагадваем:

• пры наведванні лясных і паркавых зон варта апранаць светлае аднатоннае адзенне, якое максімальна закрывае рукі і ногі;

• абавязкова выкарыстоўваць сродкі, якія адпужваюць кляшчоў (рэпеленты), у тым ліку для жывёл;

• праводзіць сама- і ўзаемаагляды адзення і цела, у тым ліку агляды жывёл, якія прыйшлі з прагулак;

• ужываць у ежу толькі кіпячонае казінае малако (раней рэгістравалі выпадкі клешчавога энцэфаліту пасля ўжывання казінага малака);

• не дапушчаць зарастанні травой дачных участкаў, праводзіць дэратызацыю і акарыцыдную апрацоўку ўчастку.

Найбольш эфектыўны метад абароны ад клешчавога віруснага энцэфаліту - вакцынацыя. Яна складаецца з курса - 2-х прышчэпак і забяспечвае надзейную абарону на працяглы час. Для падтрымання імунітэту рэкамендуецца праводзіць рэвакцынацыю кожныя 3-5 гадоў. У выпадку неабходнасці хуткага фармавання імуннага адказу ў кароткія тэрміны, у асобных вакцын прадугледжана схема экстранай прафілактыкі, якая ўключае правядзенне двух прышчэпак з інтэрвалам 14 дзён.

Прэс-служба Міністэрства аховы здароўя