Нагадаем, што з 1 ліпеня 2022 г. уступаюць у сілу пастановы Міністэрства аховы здароўя № 57 і № 58, якімі вызначаны асаблівасці ўстанаўлення стымулюючых выплат работнікам аховы здароўя.

Тлумачэнні дадуць – намеснік міністра Дзмітрый Чарэднічэнка, старшыня Беларускага прафесійнага саюза работнікаў аховы здароўя Вячаслаў Шыла, эксперты ўпраўлення эканамічнага аналізу і развіцця аховы здароўя Міністэрства аховы здароўя і аддзела сацыяльна-эканамічнай работы РК БПРЗ.

Для ўдзелу ў мерапрыемстве запрошаны кіраўнікі і спецыялісты галоўных упраўленняў па ахове здароўя аблвыканкамаў, Камітэта па ахове здароўя Мінгарвыканкама, а таксама кіраўнікі і спецыялісты эканамічных, бухгалтарскіх службаў усіх падпарадкаваных бюджэтных арганізацый.

Асноўныя пытанні абмеркавання – забеспячэнне павышэння заработнай платы работнікам аховы здароўя з 1 ліпеня, удасканаленне ўмоў аплаты працы работнікаў аховы здароўя, уведзеных пастановамі Міністэрства аховы здароўя ад 22 чэрвеня № 57 і № 58, асаблівасці ўстанаўлення стымулюючых выплат работнікам аховы здароўя.