Міністэрствам аховы здароўя прапрацавана пытанне практычнай рэалізацыі даручэнняў Кіраўніка дзяржавы і Урада па арганізацыі знешняга суправаджэння выпускнікоў з боку ВНУ, узмацненню работы з выпускнікамі медыцынскіх універсітэтаў, размеркаваных на першае працоўнае месца ва ўстановы аховы здароўя краіны.

Прынята рашэнне аб стварэнні ў галоўных упраўленнях па ахове здароўя аблвыканкамаў, Камітэце па ахове здароўя Мінгарвыканкама спецыяльных маніторынгавых груп. Яны будуць кантраляваць выкананне з боку наймальніка арганізацыю работы з маладымі спецыялістамі, правядуць аналіз мер, што прымаюцца наймальнікам, па павышэнню прафесійнага ўзроўню моладзі. Размова ідзе, у тым ліку, аб ратацыі паміж амбулаторна-паліклінічным і стацыянарным этапам, аб правядзенні практычнага навучання аказанню меддапамогі, накіраванні на перападрыхтоўку па сумежных спецыяльнасцях і на павышэнне кваліфікацыі, атрыманне кваліфікацыйнай катэгорыі і інш. З мэтай вывучэння пытанняў, з якімі сутыкаюцца маладыя ўрачы і інтэрны на месцах у медыцынскіх універсітэтах прадугледжваецца стварэнне цэнтраў (сектараў) падтрымкі маладых спецыялістаў і інтэрнаў.

Аналіз задаволенасці практычнай аховы здароўя ўзроўнем падрыхтоўкі прыбылых маладых спецыялістаў рэктары медуніверсітэтаў правядуць асабіста - наведаўшы першыя працоўныя месцы, а таксама базы інтэрнатуры. У час візітаў будзе дадзена ацэнка эфектыўнасці арганізацыі настаўніцтва, своечасовасці прымаемых кіраўнікамі арганізацый мер па стварэнню камфортных умоў для работы і пражывання, аказана неабходная метадычная дапамога.

Адным з першых медуніверсітэтаў краіны, дзе на практыцы рэалізоўваецца праграма па ўзмацненні працы з выпускнікамі, стаў Віцебскі дзяржаўны медыцынскі ўніверсітэт. Тут створаны сектар падтрымкі маладых спецыялістаў, у якім адкрыта «гарачая» тэлефонная лінія. Сюды могуць звярнуцца выпускнікі з пытаннямі, якія закранаюць праблемы як арганізацыі працы, так і побыту.

У жніўні рэктар ВДМУ Аляксей Чуканаў сумесна з калегамі правёў выезды ва ўстановы аховы здароўя Брэсцкага і Магілёўскага рэгіёнаў. Падчас візітаў адбылася даверлівая размова з выпускнікамі, а цяпер - інтэрнамі і маладымі спецыялістамі, на хвалюючыя іх тэмы. На месцы былі прыняты рашэнні, якія ўдасканальваюць далейшую прафесійную падрыхтоўку маладых урачоў.

Першы вопыт рэалізацыі такіх наведванняў інтэрнаў і маладых спецыялістаў паказаў высокі патэнцыял і эфектыўнасць гэтага фармату для стварэння камфортных умоў іх працы.

Прэс-служба Міністэрства аховы здароўя