«Правядзенне Тыдня нулявога траўматызму ў арганізацыях – дадатковае мерапрыемства да штодзённай работы па ахове працы. Асноўная мэта – недапушчэнне ніводнага выпадку траўміравання работнікаў галіны ў гэты перыяд», – расказала галоўны спецыяліст Міністэрства аховы здароўя, які вядзе пытанні аховы працы, Таццяна Радамская.

Паводле слоў спецыяліста, у рамках мерапрыемства арганізацыям прапануецца ажыццявіць комплекс кантрольных мерапрыемстваў і аператыўна выявіць і ўстараніць парушэнні норм аховы працы. У гэты перыяд спецыялісты службаў аховы працы правераць рэалізацыю мерапрыемстваў па ахове працы, прасочаць за арганізацыяй навучання бяспечным метадам і прыёмам выканання работ, своечасовасць правядзення інструктажу і праверкі ведаў па пытаннях аховы працы, пракантралююць парадак уліку і выдачы работнікам сродкаў індывідуальнай аховы.

Таксама плануецца абследаваць тэхнічны стан будынкаў і збудаванняў, абсталявання і інструментаў.

Таццяна Радамская падкрэсліла, што арганізацыі маюць права прадугледзець іншыя кантрольныя мерапрыемствы прэвентыўнага характару.

Скончыцца мерапрыемства падвядзеннем вынікаў на сумесных паседжаннях адміністрацыі арганізацый і прафсаюзнага камітэта.

Прэс-служба Міністэрства аховы здароўя