Як падкрэсліў міністр аховы здароўя Аляксандр Хаджаеў, «несумненна, праект накіраваны і на прафарыентацыю. Падчас навучання, працуючы на трэнажоры, школьнік можа адкрыць у сабе запатрабаванне дапамагаць людзям, цікавасць да медыцыны. Але, асноўная задача праекта заключаецца ў тым, каб не толькі навучыць старшакласнікаў сардэчна-лёгачнай рэанімацыі, а прывіць ім дабрыню і спагадлівасць – не прайсці міма, калі чалавек знаходзіцца ў крытычнай сітуацыі».

Міністр адукацыі Андрэй Іванец у сваю чаргу адзначыў, што «праект выклікае непадробную цікавасць у дзесяцiкласнiкаў. «Тая цікавасць, якая ёсць у школьнікаў, нацэльвае міністэрствы адукацыі і аховы здароўя думаць аб працягу праекту. Упэўнены, што сумесных тэм у нас вялікая колькасць: і здаровае харчаванне, і здаровая традыцыйная сям'я, аказанне медыцынскай дапамогі. Будзем развіваць нашае ўзаемадзеянне, каб дайсці ў кожную школу, да кожнага навучэнца», – распавёў Андрэй Іванец.

Ініцыятыва арганізацыі праекта «Запусці сэрца» належыць Рэспубліканскаму клінічнаму медыцынскаму цэнтру Кіраўніцтва справамі Прэзідэнта Беларусі. Яе падтрымалі міністэрствы аховы здароўя і адукацыі Беларусі. Заняткі праекта праходзяць традыцыйна ў шосты школьны дзень па ўсёй краіне. Праект накіраваны на навучанне як мага большай колькасці школьнікаў навыкам аказання базавай медыцынскай дапамогі, у першую чаргу сардэчна-лёгачнай рэанімацыі. Плануецца, што ўсяго ў праекце прымуць удзел каля 25 тыс. дзесяцікласнікаў. Фінальнае мерапрыемства праекта запланавана на 18 мая на пляцоўцы «Мінск-Арэны».

Прэс-служба Міністэрства аховы здароўя