Аляксандр Хаджаеў адзначыў, што «перад РУП «Белмедпрэпараты», флагманам беларускай фармацэўтычнай прамысловасці, стаяць амбіцыйныя задачы. Нашай краіне вельмі важная яго праца. Санкцыі далі магчымасць нашым вытворцам шукаць шляхі далейшага развіцця, у тым ліку – удасканальваць фармацэўтычную вытворчасць».

На рабочай нарадзе, якая адбылася адразу пасля прадстаўлення новага гендырэктара, Аляксандр Хаджаеў абазначыў задачы, якія стаяць перад кіраўніцтвам прадпрыемства. Удзел у мерапрыемстве прынялі намеснік міністра Аляксандр Старавойтаў, прадстаўнікі кіруючай кампаніі холдынгу «Белфармпрам», намеснікі кіраўніка і начальнікі аддзелаў прадпрыемства.

На нарадзе, у першую чаргу, размова ішла аб аператыўным вырашэнні праблем на прадпрыемстве, актывізацыі работы на перспектыўных для беларускіх вытворцаў рынках, аб развіцці лінейкі новых прэпаратаў для вырашэння пытанняў імпартазамяшчэння, а таксама аб укараненні новых тэхналогій, якія могуць прывесці да інавацыйнага рыўка на РУП «Белмедпрэпараты».

 Міністр пажадаў новаму гендырэктару поспехаў, а калектыву – рухацца толькі наперад.

РУП «Белмедпрэпараты» – гэта буйнейшае фармацэўтычнае прадпрыемства, родапачынальнік фармацэўтычнай прамысловасці Беларусі. На прадпрыемстве выпускаецца 256 лекавых прэпаратаў.

Аляксандр Жадан – выпускнік Беларускага дзяржаўнага медыцынскага ўніверсітэта. У яго паслужным спісе і праца ўрачом анестэзіёлагам-рэаніматолагам у Гарадской клінічнай бальніцы хуткай медыцынскай дапамогі, пасаду дырэктара Медыцынскай службы грамадзянскай авіяцыі і кіраўніка унітарнага прадпрыемства «Мінскінтэркапс».

Прэс-служба Міністэрства аховы здароўя