Каардынатарам выканання праграмы назначана Міністэрства працы і сацыяльнай абароны.

Год беларускай жанчыны стане маштабнай агульнарэспубліканскай ініцыятывай, якая аб'ядноўвае намаганні дзяржавы, грамадскіх аб'яднанняў, бізнесу і рэлігійных арганізацый. Яго мэта – канкрэтная падтрымка, стварэнне новых магчымасцей і ўмацаванне статусу жанчын ва ўсіх сферах жыцця.

Праграма мерапрыемстваў ахоплівае некалькі напрамкаў:

1. Фарміраванне вобраза і медыяпадтрымка

Запланавана інфармацыйная кампанія па стварэнні і прасоўванні брэнда "Беларуская жанчына". У яе рамках:

Запуск Жаночага радыё ў інтэрнэце.

З'явяцца тэматычныя маркіраваныя карткі і лімітаваныя серыі тавараў.

Запланаваны буйныя форумы, у тым ліку міжнародныя, прысвечаныя ролі жанчын ва ўстойлівым развіцці, бізнэсе, захаванні міру і сямейных каштоўнасцяў і г.д.

2. Здароўе і дабрабыт

Адмысловая ўвага нададзена ахове здароўя жанчын на ўсіх этапах жыцця. На працягу года пройдзе серыя мэтавых акцый:

"Здароўе жанчыны - здароўе нацыі" для рэгіёнаў, якія пацярпелі ад чарнобыльскай аварыі.

"Здароўе шчытападобнай залозы", "Будучая мама", "Жаночае сэрца", "Прафілактыка раку малочнай залозы" для розных узроставых груп.

"Актыўнае даўгалецце" і "Хвароба - не цукар" для жанчын старэйшага ўзросту.

Будуць арганізаваны інклюзіўныя аздараўленчыя мерапрыемствы "Спорт для ўсіх" і фестывалі жаночага спорту.

3. Прызнанне ўкладу і ўмацаванне сям'і

Гэты кірунак уключае дзясяткі мерапрыемстваў, закліканых падкрэсліць ролю жанчын у грамадстве:

Рэспубліканскія конкурсы: прыгажосці сярод шматдзетных маці "Краса Беларусі", "Супербабуля", "Жанчына года", "Сям'я года".

Тэматычныя сустрэчы, форумы, культурныя і грамадскія акцыі.

4. Падтрымка прадпрымальніцтва і лідэрства

Для развіцця дзелавой ініцыятывы жанчын прадугледжаны:

Конкурсы жаночых сацыяльных і бізнес-праектаў.

Форум жанчын-прадпрымальнікаў Саюзнай дзяржавы і Беларуска-ўзбекскі жаночы бізнес-форум.

Праекты па падтрымцы бізнесу і развіццю лідэрскіх якасцей.

5. Сацыяльная і прававая абарона

Будзе распрацаваны шэраг законапраектаў, накіраваных на пашырэнне магчымасцей жанчын для іх прафесійнай рэалізацыі, удасканаленне сістэмы дапамог і ўрэгуляванне маёмасных правоў.

Рэалізуюцца сацыяльныя праекты: "Рука дапамогі" для жанчын у цяжкай сітуацыі, "Кропка апоры" для рэсацыялізацыі асуджаных, "Пошук. Прызванне. Прафесія» для прафарыентацыі жанчын з інваліднасцю.

Будуць працаваць бясплатныя юрыдычныя кансультацыі, асветніцкія праекты аб працоўных правах і лічбавай пісьменнасці.

Прэс-служба Міністэрства аховы здароўя