У сустрэчы прынялі ўдзел супрацоўнікі Мінздрава, прадстаўнікі вядучых устаноў сістэмы аховы здароўя, а таксама Першы сакратар Пасольства Грузіі ў нашай краіне Алексі Іасашвілі.

Словы падзякі — у пачатку дыялогу

Вітаючы гасцей, кіраўнік ведамства папрасіў перадаць шчырую падзяку грузінскаму боку і асабіста Міністру аховы здароўя Грузіі за дапамогу беларускім грамадзянам, якія пацярпелі ў нядаўнім ДТЗ на тэрыторыі Грузіі.

«Мы разумеем адзін аднаго, і, апынуўшыся ў складанай сітуацыі, дапамагаем адзін аднаму. Сяброўскія адносіны, якія з'яўляюцца фундаментальнай асновай нашага супрацоўніцтва, незалежна ад розных падыходаў да форм аказання медыцынскай дапамогі, ад розных сістэм сертыфікацыі лекавых прэпаратаў, дапамагаюць нам дасягаць станоўчых вынікаў», — падкрэсліў Аляксандр Хаджаеў.

Георгій Саганелідзе адзначыў цёплае стаўленне да беларусаў у Грузіі і выказаўся пра перспектывы прафесійнага збліжэння:

«Дзесьці ў вас больш досведу, дзесьці — у нас. Трэба пракладваць новыя сцежкі, наводзіць масты, каб пастаянна кантактаваць і абменьвацца досведам».

Пасол асабліва падкрэсліў высокі ўзровень беларускай медыцыны, у прыватнасці кардыялогіі, і выказаў зацікаўленасць у магчымасці перападрыхтоўкі грузінскіх спецыялістаў па рэабілітацыі кардыяпацыентаў у Беларусі. Па яго словах, ёсць перспектыва пашырэння супрацоўніцтва не толькі паміж міністэрствамі, але і непасрэдна паміж клінікамі.

У ходзе сустрэчы бакі таксама абмеркавалі:

• прызнанне дыпломаў замежных грамадзян, якія атрымалі медыцынскую адукацыю ў Беларусі;

• сертыфікацыю медыцынскіх прэпаратаў;

• магчымасці паставак у Грузію абсталявання беларускай вытворчасці.

Упэўнены, што падобныя сустрэчы, прасякнутыя шчырай павагай і добрай воляй, і надалей будуць умацоўваць сяброўства паміж народамі дзвюх краін.