У гэты дзень дыпломы з адзнакай вядучай медыцынскай установы вышэйшай адукацыі краіны атрымалі 70 выпускнікоў 2021 года. Гэта амаль на пару дзесяткаў больш, чым у мінулым годзе.

Выступаючы перад маладымi ўрачамi і правізарамi, міністр аховы здароўя Дзмітрый Піневіч адзначыў, што больш за 50% выпускнікоў у цяжкіх 2020-2021 гадах адточвалі свае прафесійныя веды і ўменні ў чырвоных зонах бальніц і паліклінік, што, несумненна, стане для iх вялікай падмогай у працы.

Міністр таксама нагадаў аб планах па ўкараненні рэзідэнтуры і развіццю электроннай аховы здароўя.

Дзмітрый Піневіч не толькі выказаў словы пажадання лепшага прафесійнага жыцця, але і пажадаў не згубіць, выходзячы са сцен альма-матэр, згуртаванасці. «Сардэчна запрашаем у сістэму аховы здароўя», – сказаў на заканчэнне ён.

Усяго дыпломы ў гэтым годзе атрымаюць больш за тысячу выпускнікоў БДМУ. Мерапрыемства «Гіпакрат» праходзіць у Беларускім дзяржаўным медыцынскім універсітэце ўжо больш за 20 гадоў.

 Прэс-служба Міністэрства аховы здароўя