Дзмітрый Піневіч прадставіў госцю каманду БТЧК і адзначыў, што «карыстаючыся выпадкам, хачу канстатаваць высокі ўзровень узаемадзеяння БТЧК з Міжнародным таварыствам Чырвонага Крыжа. Я амаль 15 гадоў быў уцягнуты ў работу нашага нацыянальнага грамадства і маю права даваць ацэнку не толькі як чыноўнік, але і як чалавек, які ведае актыўную працу арганізацыі. Мы ўдзячныя за тое, што вы прыехалі, каб ацаніць існуючую сітуацыю на граніцы. Па даручэнню Кіраўніка Дзяржавы інтэграцыю ўсіх намаганняў аказання дапамогі забяспечвае Савет Рэспублікі. Яго прадстаўнікі працуюць і ў самым цэнтры, і працуюць з грамадскімі арганізацыямі, і з дзяржаўным сектарам. Асноўную частку працы па забеспячэнні для мігрантаў нармальных умоў жыцця ўзяў на сябе Гродзенскі аблвыканкам, якому дапамагаюць прадстаўнікі розных органаў дзяржкіравання. Гуманітарную дапамогу бежанцам арганізоўвае БТЧК на чале з Дзмітрыем Шаўцовым. Гэта было адназначнае рашэнне і гэта з'яўляецца адной са ступеняў ацэнкі нашай работы. Менавіта БТЧК маршрутызуе ўсю прыходную гуманітарную дапамогу па напрамках».

Па словах Франчэска Рока, «мая мэта візіту – аказаць падтрымку Беларускаму таварыству Чырвонага крыжа. Паказаць, як мы шануем вашу працу і пацвердзіць нашы намеры аказваць дапамогу і далей».

Як адзначыў Дзмітрый Шаўцоў, «для Беларусі прыезд Франчэска Рока – вельмі знакавая падзея. Міжнародная Федэрацыя Чырвонага Крыжа – гэта тая арганізацыя, якая з самага пачатку стаіць побач у дапамозе бежанцам. Гэтая арганізацыя вылучыла нам вялікую суму грошай і аб'явіла надзвычайны заклік аказаць нам дапамогу. Спачатку, у першыя дні, у бежанцаў стаяла пытанне толькі ў адным – вадзе і харчаванні, а потым, калі стала холадна – у абаграванні. Мы забяспечылі людзей матрацам, адзеннем, гарачай ежай, туалетамі і аўтакрамамі. З учорашняга дня функцыянуюць дзве лазні. Але мы павінны разумець, што гэтыя людзі знаходзяцца ў вымушаных умовах, у краіне, чужой па рэлігіі, мове. Таксама там ёсць цяжарныя жанчыны, якія патрабуюць прынцыповага стаўлення. Наша праца накіравана дзяцей – мы раздаем ім цацкі, прысмакі, кніжкі з карцінкамі. Ствараем усе ўмовы, каб хаця б дзеці разумелі, што ў іх ёсць дзяцінства. Але, калі б, не было ўдзелу прадстаўнікоў улады, нічога б не атрымалася. Гэта сведчыць аб тым, што беларусы – нацыя з адкрытай душой, якая заўсёды прыходзіць на дапамогу».

Па апошніх дадзеных з усёй краіны паступіла ўжо больш за 100 тон. гуманiтарнай дапамогi. Уцекачам перададзена больш за 90 тон, створаны пэўны запас. Задзейнічаны ў рабоце не толькі валанцёры Чырвонага Крыжа,  але i прафсаюзаў, БРСМ, Беларускага саюза жанчын.

Прэс-служба Міністэрства аховы здароўя