У ходзе рабочай сустрэчы былі абмеркаваны перспектывы развіцця беларуска-кубінскага супрацоўніцтва ў сферы аховы здароўя і фармацэўтычнай прамысловасці. Была выказана ўзаемная ўпэўненасць, што развіццё міжкраінавага ўзаемадзеяння ў гэтых сферах паслужыць дадатковым імпульсам для далейшага ўмацавання ў тым ліку і беларуска-кубінскіх гандлёва-эканамічных адносін.

Таксама былі абмеркаваны пытанні і ход рэалізацыі Пагаднення паміж Урадам Рэспублікі Беларусь і Урадам Рэспублікі Куба аб узаемных пастаўках. Асаблівая ўвага была ўдзелена магчымасці рэалізацыі праектаў – па пастаўцы беларускіх лекавых прэпаратаў на Кубу і лакалізацыі вытворчасці шэрага кубінскіх лекавых прэпаратаў у Беларусі.

Нагадаем, што нядаўна адбылася відэаканферэнцыя, у якой прынялі ўдзел прадстаўнікі Міністэрства аховы здароўя Рэспублікі Беларусь, кампаніі BioCubaFarma, пасольства Кубы, прадстаўнікі Кубінскага цэнтра геннай інжынерыі і біятэхналогій, Інстытута вакцын Фінлэй «IFV». У ходзе згаданай відэаканферэнцыі адбылася прэзентацыя кубінскіх вакцын ад СOVID-19. Бакі дамовіліся прадоўжыць практыку правядзення відэаканферэнцый з кубінскімі партнёрамі па канкрэтных тэмах узаемадзеяння.

Адзначым, што цяпер створана неабходная нарматыўная база па асноўных напрамках узаемадзеяння ў галіне аховы здароўя паміж Рэспублікай Беларусь і Рэспублікай Куба. Рэалізуюцца міжнародныя дагаворы (пагадненні і мемарандумы) як на міжурадавым, так і на міжведамасным узроўні. Усяго за перыяд рэалізацыі Пагаднення аб узаемных пастаўках у адрас РУП «Белмедпрэпараты» і РУП «Белфармацыя» ажыццёўлены пастаўкі кубінскіх лекавых прэпаратаў на агульную суму $7,1 млн. ЗША. У 2021 годзе ў рамках рэалізацыі Пагаднення ў адрас РУП «Белмедпрэпараты» адгружаны кубінскія лекавыя прэпараты на агульную суму $664,5 тыс. ЗША.

Прэс-служба Міністэрства аховы здароўя