Удзельнікі Маладзёжнага савета наведалі РУП «Цэнтр экспертыз і выпрабаванняў у ахове здароўя». Экскурсію для будучых калег правёў дырэктар цэнтра Дзмітрый Грынько. Ён расказаў аб мэтах і задачах цэнтра, асноўных прынцыпах і этапах экспертызы лекавых сродкаў і медыцынскіх вырабаў. Разуменне працэсу экспертызы вельмі важнае для працы практыкуючых медыкаў, так што пытанняў пасля наведвання лабараторый у моладзі было шмат.

Адзначым, што мерапрыемства завяршылася ўрачыстай часткай - прыёмам у шэрагі новых сяброў грамадскай арганізацыі. На сустрэчы начальнік аддзела навукі Міністэрства аховы здароўя Маргарыта Досіна ўручыла новым членам савета пасведчанні і памятныя падарункі.

Прэс-служба Міністэрства аховы здароўя