Дзмітрый Піневіч зачытаў прывітальны адрас старшыні Савета Рэспублікі Нацыянальнага сходу Беларусі Наталлі Качанавай. Уручаючы ўзнагароды і падзякі, міністр аховы здароўя адзначыў, што «я з вялікім задавальненнем вітаю найлепшых з лепшых сталічных спецыялістаў. Шчыра захоплены і ўдзячны вам за вашу працу». Ён таксама падзякаваў калегам за тое, што выстаялі ў пандэмію каранавіруса.

Як адзначыла ў сваім выступе Алена Богдан, «на нас раўняюцца, таму што ахова здароўя Менска ва ўсіх навідавоку. У стацыянарах сталіцы атрымліваюць меддапамогу жыхары не толькі Мінска, але і рэгіёнаў. У горадзе ўкараняюць пілотныя праекты, новыя тэхналогіі дыягностыкі і лячэння. У нас працуюць спецыялісты высокай кваліфікацыі. Гэта і вопытныя настаўнікі, і маладыя спецыялісты. Дзякую ўсім за працу, за самаахвярнасць. Кожны супрацоўнік сістэмы аховы здароўя нашага горада варты ўзнагароды».

Таксама старшыня камітэта па ахове здароўя расказала, што «ахова здароўя горада ўвесь час развіваецца. Толькі нядаўна з'явіўся новы корпус МНПЦ хірургіі, транспланталогіі і гематалогіі. Прымаюць пацыентаў 9-я дзіцячая паліклініка, а 6-я і 16-я паліклінікі на поўную магутнасць працуюць пасля правядзення рамонтаў. Вось-вось расчыніць дзверы Мінскі гарадскі дзіцячы стаматалагічны цэнтр, абсталяваны самым сучасным абсталяваннем. У гэтым годзе плануюць справіць наваселле 15-я гарадская паліклініка, дзіцячая паліклініка ў Сухарава і 36-я паліклініка».

Таксама Алена Богдан анансавала і новую будоўлю – у сталіцы ў верасні плануюць пачаць будаўніцтва камфартабельнага інтэрната для медыкаў. Месцам будоўлі новага аб'екта была абраная пляцоўка па суседстве з 11-й лякарняй.

Лепшым урачам, медыцынскім сёстрам, фельчарам сталіцы былі ўручаны ганаровыя граматы і падзякі Міністэрства аховы здароўя, Мінгарвыканкама, Мінгарсавета, галіновага прафсаюза. Некалькі чалавек былі адзначаны нагрудным знакам «Выдатнік аховы здароўя Рэспублікі Беларусь».

Прэс-служба Міністэрства аховы здароўя