Мэта канферэнцыі: абмеркаваць навуковыя і практычныя дасягненні ў галіне праектавання і прымянення сродкаў медыцынскай электронікі, распрацоўкі і ўкараненне новых медыцынскіх тэхналогій, падрыхтоўку спецыялістаў. Удзельнікі канферэнцыі абмяркоўваюць інфармацыйныя тэхналогіі ў медыцыне, магчымасці новых сродкаў і тэхналогій у дыягностыцы і лячэнні, аднаўленчай медыцыне, рэабілітацыі і т.д.

З прывітаннем да ўдзельнікаў звярнуліся рэктар БДМУ Сяргей Рубніковіч і рэктар БДУІР Вадзім Богуш.

Рэктар БДУІР зазначыў, што «ў XXI стагоддзі ключавы аб'ект навуковых даследаванняў - чалавек, а ключавая мэта навукова-тэхналагічнага развіцця - павышэнне якасці жыцця чалавека. Сучасны чалавек павінен жыць паўнавартасным і насычаным жыццём. І, вядома, не ў сценах медустаноў. Такі чалавекацэнтраваны падыход навукі падкрэслівае актуальнасць і важнасць правядзення сённяшняй канферэнцыі».

У сваю чаргу Сяргей Рубніковіч падкрэсліў неабходнасць зладжанай сумеснай работы медыкаў і спецыялістаў у сферы тэхналогій для развіцця практычнай аховы здароўя не толькі нашай краіны, але сусветнай супольнасці.

Канферэнцыя стала ўнікальнай дыялогавай пляцоўкай для абмену інфармацыяй па перадавых навукова-медыцынскіх тэхналогіях і практычным ведам.

У рамках канферэнцыі ўдзельнікі абмяркоўваюць навуковыя і практычныя дасягненні ў галіне праектавання і прымянення сродкаў медыцынскай электронікі, распрацоўкі і ўкаранення новых медыцынскіх тэхналогій, падрыхтоўкі спецыялістаў.

Усяго заяўлена больш за 100 секцыйных і стэндавых дакладаў, аўтарамі і сааўтарамі якіх з'яўляюцца работнікі больш як 30 універсітэтаў і навуковых арганізацый з Беларусі, Узбекістана, Расіі, В'етнама, Туркменістана, Кітая, Сірыі, Казахстана.

Прэс-служба Міністэрства аховы здароўя