Міхаіл Фінберг – нязменны кіраўнік Нацыянальнага акадэмічнага аркестра Беларусі. Творчая дзейнасць дырыжора адзначана шэрагам дзяржаўных узнагарод і дзяржаўных прэмій.

Міхаіл Фінберг знайшоў сябе і ў грамадскай дзейнасці – быў членам Савета Рэспублікі Нацыянальнага Сходу двух скліканняў, уваходзіў у савет па культуры пры Саўміне і камітэт па дзяржаўных прэміях.

Медыцынскім работнікам Беларусі Міхаіл Якаўлевіч запомніцца як актыўны ўдзельнік рэспубліканскай акцыі «Дзякуй медыкам», якую праводзілі артысты для ўрачоў і медсясцёр, якія змагаюцца з COVID-19. А медыкі старэйшага пакалення памятаюць Міхаіла Фінберга як арганізатара і кіраўніка аркестра 3-й мінскай бальніцы імя Я.У.Клумава.

Прэс-служба Міністэрства аховы здароўя