Гэтае свята дало старт такім ўшанаваннем па ўсёй краіне – увесь тыдзень, які папярэднічае Дню медыцынскіх работнікаў, у абласцях, раёнах, гарадах і вёсках пройдуць ўзнагароджанні і канцэрты ў гонар медыцынскіх работнікаў.

Заслужаныя ўзнагароды і падзякі рэспубліканскага і гарадскога ўзроўню сёння ўручаны 123 лепшым работнікам устаноў аховы здароўя сталіцы і рэспубліканскіх навукова-практычных цэнтраў – за значны асабісты ўклад у аказанне медыцынскай дапамогі насельніцтву.

Ганаровыя граматы Адміністрацыі Прэзідэнта, Нацыянальнага сходу Беларусі, падзякі кіраўнікоў абедзвюх палат парламента, а таксама ганаровыя граматы ўрада ўручыла старшыня Савета Рэспублікі Наталля Качанава. «Мы вам вельмі ўдзячны за тое, што вы абралі гэтую складаную прафесію калісьці і прысвяцілі ёй сваё жыццё», – звярнулася да прысутных Наталля Качанава. Паводле яе слоў, самае галоўнае для чалавека – яго здароўе, здароўе блізкіх. «У нас адна з лепшых сістэм аховы здароўя ў свеце», – упэўнена старшыня Савета Рэспублікі. «Вы суправаджаеце нас на працягу ўсяго жыцця, кожную хвіліну стаіце на варце здароўя грамадзян. Найноўшыя тэхналогіі, перадавы вопыт – заслугі нашых медыцынскіх работнікаў сёння прызнаны ва ўсім свеце. Вельмі важна, што ў гэтай сістэме працуюць прафесіяналы, людзі надзейныя, адданыя сваёй справе і краіне. Такі калектыў і тут, у Мінску. У вас цудоўныя традыцыі, якія вы перадаеце з пакалення ў пакаленне», – сказала яна.

Дзесяткі узнагарод ад Міністэрства аховы здароўя – нагрудныя знакі, ганаровыя граматы і падзякі – уручыў калегам кіраўнік ведамства Дзмітрый Піневіч. Сярод шматлікіх пажаданняў ён таксама выказаў надзею, што ў наступным годзе мы «прагонім кавідную заразу і пераможам яе – менавіта дзякуючы ўсім звёнам сістэмы аховы здароўя». Пры гэтым ён падкрэсліў важную заслугу медыкаў Беларусі ў гэты няпросты час: калектывы спецыялістаў, работнікаў сярэдняга звяна не спынялі аказанне дапамогі і па асноўных напрамках. «Мінск складана параўноўваць з іншымі рэгіёнамі. У гэтай зале сабраліся лепшыя прадстаўнікі прафесіі», – дадаў міністр.

Стужкі лаўрэатаў і дыпломы камітэта па ахове здароўя Мінгарвыканкама атрымалі сёння пераможцы мінскага гарадскога этапу конкурсу «Урач года Рэспублікі Беларусь – 2020».

Упершыню ў гэтым годзе на абласных і Менскам гарадскім свяце ўручаюцца нагрудныя знакі Беларускага прафсаюза работнікаў аховы здароўя «За працу ў імя жыцця». Высокай прафсаюзнай узнагароды ўдастоены работнікі аховы здароўя, якія падчас пандэміі «змагаюцца» з COVID-19.

«Лекары і іншыя медработнікі цяпер на перадавой па барацьбе з COVID-19. І мы хацелі б падзякаваць супрацоўнікаў медыцынскіх устаноў за іх працу», – сказаў старшыня рэспубліканскага камітэта прафсаюза работнікаў аховы здароўя Вячаслаў Шыла.

Мерапрыемствы, прысвечаныя Дню медыцынскіх работнікаў, праходзяць ўвесь тыдзень ва ўсіх рэгіёнах краіны. Мы шчыра дзякуем урачам, сярэдняму медперсаналу, фармацэўтам і правізарам, вадзіцелям хуткай медыцынскай дапамогі – усім датычным да ліквідацыі пандэміі каронавіруса.

На нагрудным знаку Беларускага прафсаюза работнікаў аховы здароўя «За працу ў імя жыцця» намаляваная частка эмблемы галіновага прафсаюза (крыж сіняга колеру, з гранёным квадратам серабрыстага колеру). А таксама сэрца чырвонага колеру, у яго цэнтры размешчаны тры фігуры медыцынскіх работнікаў.

Прэс-служба Міністэрства аховы здароўя