Ва ўрачыстай цырымоніі прынялі ўдзел намеснік старшыні Магілёўскага аблвыканкама Валерый Малашка, намеснік міністра аховы здароўя Барыс Андрасюк, начальнік галоўнага ўпраўлення па ахове здароўя Магілёўскага аблвыканкама Аляксандр Старавойтаў, галоўны ўрач абласнога лячэбна-дыягнастычнага цэнтра Андрэй Нипатрук.

Намеснік міністра аховы здароўя Барыс Андрасюк падкрэсліў, што на магнітна-рэзанансную кампутарную тамаграфію робіцца стаўка ў дыягностыцы і своечасовасці аказання медыцынскай дапамогі. «У краіне прыняты курс на сціранне межаў рэгіянальных, міжабласных, міжраённых медустаноў. Гэта значыць, грамадзянін павінен атрымаць якасную дапамогу ў найбліжэйшай установе аховы здароўя», – падкрэсліў ён.

Як адзначыў галоўны ўрач лячэбна-дыягнастычнага цэнтра, новы апарат абсталяваны па самым апошнім слове тэхнікі. Апарат японскай вытворчасці на 128 зрэзаў дазваляе выконваць шырокі спектр дыягнастычных даследаванняў: органаў дыхання, касцёва-сустаўнай сістэмы, захворванняў пазваночніка.

Яшчэ адзін важны момант – павелічэнне грузападымальнасці да 220 кг. Прапускная здольнасць абсталявання – да 100 чалавек у суткі. Для працы з новым абсталяваннем спецыялісты ўстановы прайшлі спецыяльнае навучанне.

Новы рэнтгенаўскі камп'ютэрны тамограф атрыманы ў рамках рэалізацыі праекта «Экстранае рэагаванне на covid-19 у Рэспубліцы Беларусь». Ён фінансуецца за кошт сродкаў пазыкі Міжнароднага банка рэканструкцыі і развіцця. Кошт абсталявання, вылучанага для дыягнастычнага цэнтра, звыш 1 млн. 35 тыс. рублёў.

Прэс-служба Міністэрства аховы здароўя